ಕೇಂದ್ರದ ವಿರುದ್ಧ ಮಾತನಾಡಿದರೆ ದೇಶದ್ರೋಹಿ ಪಟ್ಟ, ಹಿಟ್ಲರ್​ ನಡೆ ಯಾಕೆ?: ಸಿದ್ದರಾಮಯ್ಯ ಪ್ರಶ್ನೆ

ಕೆಂದ್ರ ಹಾಗೂ ರಾಜ್ಯ ಎರಡು ಕಡೆ ಬಿಜೆಪಿ ಸರ್ಕಾರವಿದೆ. ಆದರೂ ನೆರೆ ಪರಿಹಾರ ಹಣವನ್ನು ಇನ್ನು ಬಿಡುಗಡೆ ಮಾಡಿಲ್ಲ. ಈ ಪರಿಹಾರ ಹಣದ ಬಗ್ಗೆ, ಕೇಂದ್ರ ಸರ್ಕಾರದ ವಿರುದ್ಧ ಮಾತನಾಡುವವರ ಮೇಲೆ ದೇಶದ್ರೋಹದ ಪಟ್ಟ ಕಟ್ಟಲಾಗುತ್ತಿದೆ. ಜರ್ಮನಿಯಲ್ಲಿ ಹಿಟ್ಲರ್ ಕಾಲದಲ್ಲಿಯೂ ಇದೇ ರೀತಿ ನಡೆಯುತ್ತಿತ್ತು. ಯಾರಾದರೂ ಪ್ರಶ್ನೆ ಮಾಡಿದರೆ ಅವರ ಮೇಲೆ ಕೇಸು ದಾಖಲಿಸೋದು, ದೇಶದ್ರೋಹದ ಪಟ್ಟ ಕಟ್ಟಿ ಜೈಲಿಗೆ ಕಳಿಸಲಾಗುತ್ತಿತ್ತು. ಇಲ್ಲೂ ಇದೇ ರೀತಿ ಪ್ರಾರಂಭವಾಗುತ್ತದೆ ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ಲೇವಡಿ ಮಾಡಿದ್ದಾರೆ.

ಮಂಗಳೂರು: ಕೇಂದ್ರ ಸರ್ಕಾರದ ವಿರುದ್ಧ ಮಾತನಾಡುವವರ ಮೇಲೆ ದೇಶದ್ರೋಹದ ಪಟ್ಟ ಕಟ್ಟಲಾಗುತ್ತಿದೆ. ಇದು ಫ್ಯಾಸಿಸಮ್ ಲಕ್ಷಣ. ಜರ್ಮನಿಯಲ್ಲಿ ಹಿಟ್ಲರ್ ಕಾಲದಲ್ಲಿಯೂ ಇದೇ ರೀತಿ ನಡೆಯುತ್ತಿತ್ತು. ಯಾರಾದರೂ ಪ್ರಶ್ನೆ ಮಾಡಿದರೆ ಅವರ ಮೇಲೆ ಕೇಸು ದಾಖಲಿಸೋದು, ದೇಶದ್ರೋಹದ ಪಟ್ಟ ಕಟ್ಟಿ ಜೈಲಿಗೆ ಕಳಿಸಲಾಗುತ್ತಿತ್ತು. ಇಲ್ಲೂ ಇದೇ ರೀತಿ ಪ್ರಾರಂಭವಾಗುತ್ತದೆ ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ಲೇವಡಿ ಮಾಡಿದ್ದಾರೆ.

ಮೂಡಿಗೆರೆ ಪ್ರವಾಸದಲ್ಲಿರುವ ಸಿದ್ದರಾಮಯ್ಯ ಇಂದು ನಗರದ ಬಜ್ಪೆ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಈ ಬಾರಿ ಉಂಟಾದ ಪ್ರವಾಹ ಯಾವ ವರ್ಷವೂ ಬಂದಿರಲಿಲ್ಲ. ಕೇಂದ್ರದಿಂದ ಪ್ರವಾಹ ಪರಿಹಾರ ಅಂಥ 38 ಸಾವಿರ ಕೋಟಿ ರೂ. ಕೇಳಿದ್ದೆವು. ಆದರೆ ಕೇಂದ್ರ ಸರ್ಕಾರ ಕೇವಲ 1,200 ಕೋಟಿ ರೂ. ಬಿಡುಗಡೆ ಮಾಡಿದೆ. ಈ ಹಣ ಯಾವುದಕ್ಕೂ ಸಾಲೋದಿಲ್ಲ. ಕನಿಷ್ಠ ಪಕ್ಷ ತಕ್ಷಣದ ಪರಿಹಾರ ಎಂದು 5 ಸಾವಿರ ಕೋಟಿ ಕೊಡಿ ಎಂದು ಕೇಳಿದ್ದೆವು. ಆದರೆ ಎರಡು ತಿಂಗಳ ಬಳಿಕ ಕೊಟ್ಟಿದ್ದು ಮಾತ್ರ 1,200 ಕೋಟಿ. ರಾಜ್ಯ ಸರ್ಕಾರ ಕೇಂದ್ರ ಸರ್ಕಾರದ ಮೇಲೆ ಹೆಚ್ಚಿನ ಪರಿಹಾರ ಹಣ ಕೊಡಲು ಒತ್ತಡ ಹಾಕಬೇಕಿತ್ತು. ಅಲ್ಲದೆ ತನ್ನ ಬೊಕ್ಕಸದಿಂದಾದರೂ ಖರ್ಚು ಮಾಡಬೇಕಿತ್ತು. ಅದನ್ನೂ ಮಾಡುತ್ತಿಲ್ಲ ಎಂದು ಗುಡುಗಿದ್ರು.

ಸಿಎಂ ಖಜಾನೆಯಲ್ಲಿ ಹಣವೇ ಇಲ್ಲ ಎನ್ನುತ್ತಿದ್ದಾರೆ ಎಂಬ ಸುದ್ದಿಗಾರರ ಪ್ರಶ್ನೆಗೆ ಪ್ರತಿಕ್ರಿಯಿಸಿ, ಯಡಿಯೂರಪ್ಪನವರಿಗೆ ಹಣಕಾಸಿನ ಬಗ್ಗೆ ಜ್ಞಾನ ಇದೆಯೋ, ಇಲ್ಲವೋ ಗೊತ್ತಿಲ್ಲ. ಖಜಾನೆಯಲ್ಲಿ ಹಣ ಇಲ್ಲಾಂದ್ರೆ ತೆರಿಗೆ ವಸೂಲಾತಿಯಾಗುತ್ತಿಲ್ಲ ಎಂದರ್ಥ. ಪ್ರತೀ ತಿಂಗಳು ರಾಜ್ಯದ ಜನತೆ ತೆರಿಗೆ ಕೊಡೋದಿಲ್ಲವಾ ಎಂದು ಪ್ರಶ್ನಿಸಿದ್ರು.

ಸಮ್ಮಿಶ್ರ ಸರ್ಕಾರ ಹೋಗಿ ಒಂದುವರೆ ತಿಂಗಳಾಗಿದೆಯೆಷ್ಟೆ. ಹಿಂದೆ ನಿಮಗೆ ಗೊತ್ತಿದ್ದ ಹಾಗೆ ಖಜಾನೆ ಖಾಲಿ ಇತ್ತಾ ಎಂಬ ಸುದ್ದಿಗಾರರ ಪ್ರಶ್ನೆಗೆ ಉತ್ತರಿಸಿ, ಖಜಾನೆ ಖಾಲಿಯಾಗುವ ಪರಿಸ್ಥಿತಿಯೇ ಇಲ್ಲ. ಪ್ರತಿ ತಿಂಗಳು ತೆರಿಗೆ ಹಣ ಬರುತ್ತಲೇ ಇರುತ್ತವೆ. ಪ್ರತೀ ತಿಂಗಳಿಗೆ ಇಂತಿಷ್ಟು ತೆರಿಗೆ ವಸೂಲಾಗಬೇಕೆಂದು ಟಾರ್ಗೆಟ್ ಕೊಟ್ಟಿರುತ್ತೇವೆ. ಅದರ ಮೇಲೆ ಖರ್ಚನ್ನು ಇಟ್ಟಿರುತ್ತೇವೆ. ತೆರಿಗೆ ವಸೂಲಾಗದಿದ್ದರೆ ಖರ್ಚು ಸರಿದೂಗಿಸಲು ಸಾಧ್ಯವಿಲ್ಲ. ಖಜಾನೆ ಖಾಲಿ ಆಗಿದೆ ಅಂದ್ರೆ ಏನರ್ಥ. ಖಜಾನೆಯಲ್ಲಿ ಯಾವಾಗಲೂ ದುಡ್ಡು ತುಂಬಿ ಇಟ್ಟುಕೊಂಡಿರೋದಿಲ್ಲ. ತೆರಿಗೆ ಹಣ ಬರುತ್ತಿರುತ್ತದೆ. ಖರ್ಚಾಗುತ್ತಾ ಇರುತ್ತದೆ. ಯಡಿಯೂರಪ್ಪನವರಿಗೆ ಪಾಪ ಇದರ ಬಗ್ಗೆ ಗೊತ್ತಿಲ್ಲ ಎಂದು ಲೇವಡಿ ಮಾಡಿದರು.

ಇನ್ನು ಕೇಂದ್ರ ಸರ್ಕಾರದ ವಿರುದ್ಧ ಮಾತನಾಡಿದವರ ಮೇಲೆ ದೇಶದ್ರೋಹದ ಪಟ್ಟ ಕಟ್ಟಲಾಗುತ್ತಿದೆ. ಇದು ಫ್ಯಾಸಿಸಮ್ ಲಕ್ಷಣ. ಈಗ ರಾಜ್ಯದಲ್ಲಿ ಹಿಟ್ಲರ್​ ಸರ್ಕಾರ ನಡೆಸಯುತ್ತಿದೆ. ಹಿಟ್ಲರ್​ ಕಾಲದಲ್ಲೂ ಇದೆ ರೀತಿಯಾಗಿ ನಡೆಯುತ್ತಿತ್ತು. ಯಾರಾದರೂ ಪ್ರಶ್ನೆ ಮಾಡಿದರೆ ಅವರ ಮೇಲೆ ಕೇಸು ದಾಖಲಿಸೋದು, ದೇಶದ್ರೋಹದ ಪಟ್ಟ ಕಟ್ಟೋದು, ಜೈಲಿಗೆ ಕಲಿಸೋದು ಎಲ್ಲಾ ಮಾಡಲಾಗುತ್ತಿತ್ತು. ಇಲ್ಲೂ ಇದೇ ಪ್ರಾರಂಭವಾಗುತ್ತೆ ಎಂದು ವ್ಯಂಗ್ಯವಾಡಿದ್ರು.

ಈ ವೇಳೆ ಮಾಜಿ‌ ಸಚಿವ ಯು.ಟಿ.ಖಾದರ್, ಮಾಜಿ ಶಾಸಕ ಅಭಯಚಂದ್ರ ಜೈನ್, ಕಾಂಗ್ರೆಸ್ ಮುಖಂಡರಾದ ಐವನ್ ಡಿಸೋಜ, ಮಿಥುನ್‌ ರೈ, ಹರೀಶ್ ಕುಮಾರ್ ಮತ್ತಿತರರು ಉಪಸ್ಥಿತರಿದ್ದರು.