ಚಿತ್ರದುರ್ಗ: ಗುಜರಾತಿನಿಂದ ಹಿಂದಿರುಗಿದ 3 ಜನ ತಬ್ಲಿಘಿಗಳಿಗೆ ಕೊರೊನಾ ಸೋಂಕು ಇರುವುದು ಖಾತ್ರಿಯಾಗಿದೆ. ಇದರ ಬಗ್ಗೆ ಈಟಿವಿ ಭಾರತ್ಗೆ ಚಿತ್ರದುರ್ಗ ಡಿಹೆಚ್ಒ ಡಾ.ಪಾಲಾಕ್ಷ ಅವರು ದೂರವಾಣಿ ಮೂಲಕ ಮಾಹಿತಿ ನೀಡಿದ್ದು, 15 ಜನ ಮೇ 05 ರಂದು ಅಹಮದಾಬಾದ್ನಿಂದ ಚಿತ್ರದುರ್ಗಕ್ಕೆ ಹಿಂದಿರುಗಿದ್ದರು.
ಅದರೆ, ಆ 15 ಜನ್ರ ಪೈಕಿ ನಾಲ್ವರಲ್ಲಿ ಗುಜರಾತಿನಲ್ಲಿದ್ದಾಗ ಸೋಂಕು ಕಾಣಿಸಿಕೊಂಡಿದ್ದರಿಂದ ಚಿಕಿತ್ಸೆಯಿಂದ ಗುಣಮುಖರಾದ ಬಳಿಕ ಇವರೆಲ್ಲ ಚಿತ್ರದುರ್ಗಕ್ಕೆ ಮರಳಿದ್ದರು. ಇದೀಗ ನಾಲ್ವರ ಪೈಕಿ ಮೂವರಿಗೆ ಮತ್ತೆ ಕೊರೊನಾ ಸೋಂಕು ಪತ್ತೆ ಆಗಿದೆ. ಇನ್ನುಳಿದ 12 ಜನರ ಕೋವಿಡ್-19 ವರದಿ ನೆಗೆಟಿವ್ ಇದೆ. ಗುಜರಾತಿನಿಂದ ಬಂದವರಿಗೆ ತಕ್ಷಣಕ್ಕೆ ಸಾಂಸ್ಥಿಕ ಕ್ವಾರಂಟೈನ್ ಮಾಡಲಾಗಿದ್ದು, ಸೋಂಕಿತ ಮೂವರನ್ನು ಕೋವಿಡ್-19 ಆಸ್ಪತ್ರೆಗೆ ಶಿಫ್ಟ್ ಮಾಡಲಾಗಿದೆ ಎಂದು ಡಿಹೆಚ್ಒ ಡಾ. ಪಾಲಾಕ್ಷ ಮಾಹಿತಿ ನೀಡಿದರು.
ಇನ್ನು ಅಹಮದಾಬಾದ್ನಿಂದ ಒಂದೇ ಬಸ್ನಲ್ಲಿ 33 ಜನ ಬಂದಿದ್ದು, ಅದರಲ್ಲಿ ಚಿತ್ರದುರ್ಗಕ್ಕೆ 15 ಜನ ಸೇರಿದ್ದು, ತುಮಕೂರಿನ 18 ಜನ ಒಂದೇ ಬಸ್ನಲ್ಲಿ ಬಂದಿದ್ದರು ಎಂದರು.
ಆದ್ರೇ ಬಸ್ನಲ್ಲಿ ಬಂದಿದ್ದ 33 ಜನರಿಗೂ ಕೊರೊನಾ ಕಂಟಕ ಆಗಿದೇನಾ, ಚೆಕ್ಪೋಸ್ಟ್ನಿಂದ ಹಾಸ್ಟಲ್ ಶಿಫ್ಟ್ ವೇಳೆ ಉಪಸ್ಥಿತರಿದ್ದವರಿಗೂ ಕೊರೊನಾ ತಟ್ಟಿದೇನಾ ಎಂಬ ಅನುಮಾನ ಕಾಡತೊಡಗಿದೆ. ಈಗಾಗಲೇ ಕೊರೊನಾ ಸೋಂಕಿತ ಮೂವರು ಕೋವಿಡ್-19 ಆಸ್ಪತ್ರೆಗೆ ಶಿಫ್ಟ್ ಮಾಡಲಾಗಿದ್ದು, ಜಿಲ್ಲಾಸ್ಪತ್ರೆ ಬಳಿ ಇರುವ ಕೋವಿಡ್-19 ಆಸ್ಪತ್ರೆ ಮುಂಭಾಗದ ರಸ್ತೆ ಸಂಪೂರ್ಣ ಬ್ಲಾಕ್ ಮಾಡಿ ಜನರ ಸಂಚಾರಕ್ಕೆ ನಿರ್ಬಂಧ ಹೇರಲಾಗಿದೆ.
