ಚಿತ್ರದುರ್ಗ: ಬ್ಯಾರೇಜ್​​​​​​​ನಲ್ಲಿ ಈಜಲು ತೆರಳಿದ್ದ ಬಾಲಕಿ ನೀರು ಪಾಲು

ಚಳ್ಳಕೆರೆ ತಾಲೂಕಿನ ಪರಶುರಾಂಪುರ ಹೋಬಳಿಯ ಕೋಟೆ ಕೆರೆ ಗ್ರಾಮದ ಬಾಲಕಿಯೊಬ್ಬಳು ಬ್ಯಾರೇಜ್​​​​ನಲ್ಲಿ ಈಜಲು ತೆರಳಿ ಸಾವನ್ನಪ್ಪಿದ್ದಾಳೆ.

ಚಿತ್ರದುರ್ಗ: ಬಾಲಕಿಯೊಬ್ಬಳು ಬ್ಯಾರೇಜ್ ನಲ್ಲಿ ಈಜಲು ತೆರಳಿ ನೀರು ಪಾಲಾಗಿರುವ ಘಟನೆ ಜಿಲ್ಲೆಯ ಚಳ್ಳಕೆರೆ ತಾಲೂಕಿನ ಪರಶುರಾಂಪುರ ಹೋಬಳಿಯ ಕೋಟೆ ಕೆರೆ ಗ್ರಾಮದಲ್ಲಿ ಕಂಡುಬಂದಿದೆ.

ಎಂ. ಮೋಕ್ಷ (9) ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿರುವ ಬಾಲಕಿ. ವಿವಿ ಸಾಗರದಿಂದ ವೇದಾವತಿ ನದಿಗೆ ನೀರು ಬಿಡುಗಡೆಯಾದ ಬಳಿಕ ಕೋಟೆ ಕೆರೆಯ ನೂತನ ಬ್ಯಾರೇಜ್ ಸಂಪೂರ್ಣ ಭರ್ತಿಯಾಗಿತ್ತು. ನೀರನ್ನು ನೋಡಿ ಮನೆಯವರ ಕಣ್ಣು ತಪ್ಪಿಸಿ ಈಜಾಡಲು ತೆರಳಿದ್ದಾಗ ಈ ಘಟನೆ ಸಂಭವಿಸಿದೆ.

ಈ ಸಂಬಂಧ ಘಟನಾ ಸ್ಥಳಕ್ಕೆ ಪರಶುರಾಂಪುರ ಪೊಲೀಸರು ಭೇಟಿ ನೀಡಿ, ಪರಿಶೀಲನೆ ನಡೆಸಿದ್ದು, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.