ನಾ ನಿನ್‌ ಬಿಡ್ತೀನಾ,, ನಾನೇನ್‌ ಸುಮ್ನಿರ್ತೀನಾ,,

ಚಿಕ್ಕಮಗಳೂರು ಜಿಲ್ಲೆಯ ಮೂಡಿಗೆರೆ ನಗರದ ಮುಖ್ಯರಸ್ತೆಯಲ್ಲಿಯೇ 2 ಗೂಳಿಗಳ ಕಾಳಗ ಮಾಡಿವೆ.

ಚಿಕ್ಕಮಗಳೂರು : ಜಿಲ್ಲೆಯ ಮೂಡಿಗೆರೆ ನಗರದ ಮುಖ್ಯರಸ್ತೆಯಲ್ಲಿಯೇ ಎರಡು ಗೂಳಿಗಳು ಪರಸ್ಪರ ಕಾಳಗಕ್ಕಿಳಿದು ಜನರಲ್ಲಿ ಆತಂಕವನ್ನುಂಟು ಮಾಡಿದ್ದವು.

ಒಂದರ ಮೇಲೆ ಇನ್ನೊಂದಕ್ಕೆ ಕೋಪ. ರಸ್ತೆಯಲ್ಲಿ ಓಡಾಡುವ ವಾಹನವನ್ನೂ ಗಮನಿಸದೇ ಗೂಳಿಗಳು ಗುದ್ದಾಡಿಕೊಂಡಿವೆ. ರಸ್ತೆಯಲ್ಲಿ ಹೋಗುತ್ತಿದ್ದ ಕಾರಿಗೆ ಗುದ್ದಿವೆ. ಅಂಗಡಿ ಮುಂದೆ ಇದ್ದ ಬೋರ್ಡ್ ಮುರಿದು ಹಾಕಿವೆ. ಮುಖ್ಯರಸ್ತೆಯಲ್ಲಿಯೇ ಇರುವ ಹೋಟೆಲ್‌ನೊಳಗೂ ನುಗ್ಗಿವೆ.

ಈ ಎರಡೂ ಗೂಳಿಗಳು ಗುದ್ದಾಡುವುದನ್ನು ನೋಡಿ ಸ್ಥಳೀಯರು ಬೆಚ್ಚಿ ಬಿದ್ದಿದ್ದರು. ಪೊಲೀಸ್ ಪೇದೆ ಬಿಡಿಸುವ ಪ್ರಯತ್ನ ಮಾಡಿದ್ದಾರೆ. ಆದರೆ, ಹೋಟೆಲ್‌ನೊಳಗೆ ಎರಡೂ ಗೂಳಿಗಳು ಗುದ್ದಾಡಿ ಸಾಕಷ್ಟು ವಸ್ತುಗಳನ್ನು ಹಾನಿ ಮಾಡಿವೆ. ಈ ವಿಡಿಯೋ ಈಗ ವೈರಲ್‌ ಆಗಿದೆ.