ಚಿಕ್ಕಮಗಳೂರು : ಪುನೀತ್ ರಾಜ್ಕುಮಾರ್ ಭಾವ ಶಿಲ್ಪ ನಿರ್ಮಿಸಿ ಚಿಕ್ಕಮಗಳೂರಿನ ಕಲಾವಿದರೊಬ್ಬರು ಗಮನ ಸೆಳೆದಿದ್ದಾರೆ. ಸತತ 5 ಗಂಟೆಗಳ ಕಾಲ ಮಣ್ಣಿನ ಕಲಾಕೃತಿಯಲ್ಲಿ ಪುನೀತ್ ರಾಜ್ಕುಮಾರ್ ಭಾವ ಶಿಲ್ಪ ನಿರ್ಮಿಸಿದ್ದಾರೆ ಕಲಾವಿದ ವಿಶ್ವನಾಥ್.
ಚಿಕ್ಕಮಗಳೂರು ಕಲಾ ಕಾಲೇಜಿನ ಪ್ರಾಂಶುಪಾಲರು ಆಗಿ ಕರ್ತವ್ಯ ನಿರ್ವಹಿಸುತ್ತಿರುವ ವಿಶ್ವನಾಥ್, ಬೆಂಗಳೂರಿನಲ್ಲಿ ನಡೆದ ಕನ್ನಡಕ್ಕಾಗಿ ನಾವು ಕಾರ್ಯಕ್ರಮದಲ್ಲಿ ಈ ಭಾವ ಶಿಲ್ಪ ರಚಿಸಿದ್ದಾರೆ.
ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಈ ಕಾರ್ಯಕ್ರಮ ಹಮ್ಮಿಕೊಂಡಿತ್ತು. ಮೊದಲು ಇವರು ಚಂದ್ರಶೇಖರ್ ಕಂಬಾರ್ ಅವರ ಕಲಾಕೃತಿ ನಿರ್ಮಿಸಲು ತಯಾರಿ ಮಾಡಿಕೊಂಡಿದ್ದರು. ಆದರೆ, ಪುನೀತ್ ನಿಧನದಿಂದ ಅವರ ಭಾವ ಶಿಲ್ಪವನ್ನ ವಿಶ್ವನಾಥ್ ನಿರ್ಮಿಸಿ ಗಮನ ಸೆಳೆದಿದ್ದಾರೆ.
