ಚಿಕ್ಕಬಳ್ಳಾಪುರ: ಬಾಗೇಪಲ್ಲಿ ನ್ಯಾಷನಲ್ ಕಾಲೇಜು ಸಮಾರಂಭದ ವೇಳೆ ಯುವಕರು ಪಬ್ ಜಿ ಪಂದ್ಯಾವಳಿ ಆಯೋಜಿಸಿದ ಘಟನೆ ನಡೆದಿದೆ.
ಬ್ಲೂವೇಲ್ ನಂತಹ ಡೆಡ್ಲಿ ಗೇಮ್ ಸಾಕಷ್ಟು ಜನರನ್ನು ಆಹುತಿ ಪಡೆದಿತ್ತು. ಆದ್ರೆ ಈಗ ಬಂದಿರುವ ಪಬ್ ಜಿ ಕೂಡ ಬ್ಲೂವೇಲ್‍ನಂತೆ ಡೆಡ್ಲಿ ಗೇಮ್ ಆಗಿ ಮಾರ್ಪಾಡಾಗುತ್ತಿದೆ. ಇತ್ತೀಚೆಗೆ ಪಬ್ ಜಿ ಗೇಮ್ಗೆ ಲಕ್ಷಗಟ್ಟಲೆ ಜನರು ಅಡಿಕ್ಟ್ ಆಗಿ ಹೋಗಿರುವುದು ಗೊತ್ತಿರುವ ಸಂಗತಿ.
ಈ ಕುರಿತು ಕಾಲೇಜಿನ ಪ್ರಾಂಶುಪಾಲರ ಗಮನ ಸೆಳೆದ ಬಳಿಕ ಬಾಗೇಪಲ್ಲಿ ಪೊಲೀಸರಿಗೆ ಮಾಹಿತಿ ನೀಡಲಾಗಿದೆ. ತಕ್ಷಣ ಕಾಲೇಜಿಗೆ ಆಗಮಿಸಿದ ಪೊಲೀಸರು ಯುವಕರಿಗೆ ಎಚ್ಚರಿಕೆ ನೀಡಿ ತಾತ್ಕಾಲಿಕವಾಗಿ ಗೇಮ್ಗೆ ನಡೆಯೋದಕ್ಕೆ ಕಡಿವಾಣ ಹಾಕಿದ್ದಾರೆ.
