ಜಿಲೆಟಿನ್​ ಸ್ಫೋಟಗೊಂಡ ಸ್ಥಳಕ್ಕೆ ಮಾಜಿ ಸಿಎಂ ಸಿದ್ದರಾಮಯ್ಯ ಭೇಟಿ, ಪರಿಶೀಲನೆ

ಜಿಲೆಟಿನ್​ ಸ್ಫೋಟಗೊಂಡ ಸ್ಥಳಕ್ಕೆ ಮಾಜಿ ಸಿಎಂ ಸಿದ್ದರಾಮಯ್ಯ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ಚಿಕ್ಕಬಳ್ಳಾಪುರ: ಜಿಲ್ಲೆಯ ಗುಡಿಬಂಡೆ ತಾಲೂಕಿನ ಹಿರೇನಾಗವಲ್ಲಿ ಕಲ್ಲು ಕ್ವಾರಿಯಲ್ಲಿ ಸಂಭವಿಸಿರುವ ಸ್ಫೋಟದ ಸ್ಥಳಕ್ಕೆ ಮಾಜಿ ಮುಂಖ್ಯಮಂತ್ರಿ ಸಿದ್ದರಾಮಯ್ಯ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.

ಈ ಕ್ವಾರಿ ಮತ್ತು ಕ್ರಷರ್​ಗೆ ಏಳು ಜನ ಲೈಸೆನ್ಸ್​ ಹೊಂದಿದ್ದಾರೆ. ಕ್ವಾರಿ ಮತ್ತು ಕ್ರಷರ್​ ಮೇಲೆ ಫೆ.7ರಂದು ಜಿಲ್ಲಾ ಪೊಲೀಸರು ದಾಳಿ ಮಾಡಿದ್ದಾರೆ. ದಾಳಿ ವೇಳೆ ಪೊಲೀಸರಿಗೆ ಜಿಲೆಟಿನ್​ ಕಡ್ಡಿಗಳು ಸಿಕ್ಕಿದ್ದಾವೆ. ಬಳಿಕ ಪೊಲೀಸರು ಕ್ರಷರ್​ ಮತ್ತು ಕ್ವಾರಿಯನ್ನು ​ಸೀಜ್​ ಮಾಡಿದ್ದಾರೆ.

22ರಂದು ಸುಮಾರು ರಾತ್ರಿ 12.15ಕ್ಕೆ ಕ್ವಾರಿಯಿಂದ ಅರ್ಧ ಕಿ.ಮೀ ದೂರದಲ್ಲಿ ಬ್ಲಾಸ್ಟ್​ ಆಗಿದೆ. ಈ ಘಟನೆಯಲ್ಲಿ ಆರು ಜನ ಸಾವನ್ನಪ್ಪಿದ್ದಾರೆ. ಉಳಿದ ಜಿಲೆಟಿನ್​ ಕಡ್ಡಿಗಳನ್ನು ಸಾಗಿಸುತ್ತಿದ್ದಾಗ ಬ್ಲಾಸ್ಟ್​ ಆಗಿದೆ ಎಂದು ಪೊಲೀಸರು ಹೇಳುತ್ತಿದ್ದಾರೆ ಅಂತಾ ಸಿದ್ದರಾಮಯ್ಯ ಹೇಳಿದ್ದಾರೆ.