ಚಾಮರಾಜನಗರ: ಮಾಜಿ ಶಿಕ್ಷಣ ಸಚಿವ ಎನ್.ಮಹೇಶ್, ಪ್ರಾಥಮಿಕ ಶಾಲೆಯಲ್ಲಿ ಹಿಂದಿ ಭಾಷೆ ಕಲಿಕೆಯ ಬಗ್ಗೆ ಸ್ವ-ಅನುಭವವನ್ನು ಹೇಳಿ ಎಲ್ಲರನ್ನೂ ನಗೆಗಡಲಿನಲ್ಲಿ ತೇಲಿಸಿದ್ದಾರೆ.
ಎನ್.ಮಹೇಶ್, ಬಿಎಸ್ಪಿ ಉಚ್ಛಾಟಿತ ಶಾಸಕ
ಹಿಂದಿ ದಿವಸ್ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿ, ಪ್ರಾಥಮಿಕ ಶಾಲೆಗಳಲ್ಲಿ ಹಿಂದಿ ಭಾಷಾ ಶಿಕ್ಷಕರ ಕೊರತೆ ನಿವಾರಣೆ ಇನ್ನೂ ಸಾಧ್ಯವಾಗಿಲ್ಲ. ನಾನು ಓದುವಾಗಲು ವಿದ್ಯಾರ್ಥಿಗಳಿಗೆ ಹಿಂದಿ ಕಬ್ಬಿಣದ ಕಡಲೆಯಾಗಿತ್ತು. ಹಿಂದಿ ಕಲಿಕೆಯೇ ಪ್ರಾಥಮಿಕ ಶಾಲೆಗಳಲ್ಲಿ ಆಗುತ್ತಿಲ್ಲ ಎಂದರು.
ಹಿಂದಿ ಪಾಸಾಗಲು ಕೇವಲ 13 ಅಂಕ ನಿಗದಿಪಡಿಸಿದ್ದರು. ನನಗೆ ಆ 13 ಅಂಕವನ್ನ ಹೇಗೆ ಪಡೆಯಬೇಕೆಂದು ಯೋಚನೆಯಾಗಿತ್ತು. ಹಿಂದಿಯಲ್ಲಿ ಏನೇ ಬರೆದರೂ ಪಾಸ್ ಮಾಡುತ್ತೀವಿ ಎಂದು ಶಿಕ್ಷಕರು ಹೇಳುತ್ತಿದ್ದರು. ತುಂಬಾ ಮಂದಿ ಪ್ರಶ್ನೆಪತ್ರಿಕೆಯಲ್ಲಿನ ಪ್ರಶ್ನೆಗಳನ್ನೇ ಉಲ್ಟಾ ಬರೆದು ಪಾಸಾಗಿದ್ದಾರೆ. ಹಿಂದಿ ರಾಷ್ಟ್ರ ಭಾಷೆಯಾದರೂ ಸಹ ದಕ್ಷಿಣ ಭಾರತದವರು ಹಿಂದಿ ಅಷ್ಟು ಸುಲಭವಾಗಿ ಕಲಿಯಲಾಗಲಿಲ್ಲ ಎಂದರು.
