ನಿವೃತ್ತವಾಗುತ್ತಿರುವ ಬಂಡೀಪುರ ಸಿಎಫ್ಒ ಸ್ಥಾನಕ್ಕೆ ನಟೇಶ್ ನಿಯುಕ್ತಿ

ಬಂಡೀಪುರ ರಾಷ್ಟ್ರೀಯ ಉದ್ಯಾನವನದ ಸಿಎಫ್​ಒ ಬಾಲಚಂದ್ರ ಇದೇ ತಿಂಗಳು ನಿವೃತ್ತರಾಗುತ್ತಿದ್ದು, ಇವರ ಸ್ಥಾನಕ್ಕೆ ಎಸ್.ಆರ್.ನಟೇಶ್ ವರ್ಗಾವಣೆಗೊಂಡಿದ್ದಾರೆ.

ಚಾಮರಾಜನಗರ: ಇದೇ 31ರಂದು ನಿವೃತ್ತರಾಗಲಿರುವ ಬಂಡೀಪುರ ಸಿಎಫ್​ಒ ಬಾಲಚಂದ್ರ ಅವರ ಸ್ಥಾನಕ್ಕೆ ಎಸ್.ಆರ್.ನಟೇಶ್ ಅವರನ್ನು ವರ್ಗಾವಣೆ ಮಾಡಲಾಗಿದೆ.

ಚಾಮರಾಜನಗರ

ಪ್ರಾಜೆಕ್ಟ್ ಎಲಿಫೆಂಟ್​ನ ನಿರ್ದೇಶಕರಾಗಿರುವ ಎಸ್.ಆರ್.ನಟೇಶ್ 2003ನೇ ಬ್ಯಾಚಿನ ಐಎಫ್​ಎಸ್ ಅಧಿಕಾರಿಯಾಗಿದ್ದಾರೆ. ಇದೇ 31ರಂದು ಬಾಲಚಂದ್ರ ಅವರಿಂದ ಅಧಿಕಾರ ಪಡೆಯಲಿದ್ದಾರೆ ಎಂದು ತಿಳಿದು ಬಂದಿದೆ. ಸಿಎಫ್ಒ ಬಾಲಚಂದ್ರ ತಮ್ಮ ಅವಧಿಯಲ್ಲಿ ನರಹಂತಕ ಹುಲಿ ಸೆರೆ, ಸಫಾರಿಗೆ ಗೈಡ್​​ಗಳ ನೇಮಕ, ಆದಿವಾಸಿ ಮಹಿಳೆಯರಿಗೆ ಕ್ಯಾಂಟೀನ್ ನಡೆಸಲು ಉತ್ತೇಜನದಂತಹ ಗಮನ ಸೆಳೆಯುವ ಕಾರ್ಯಗಳನ್ನು ಮಾಡಿದ್ದಾರೆ.