ಮಹಿಳೆಯೊಂದಿಗೆ ಕಿರಿ ಮಗ ಪರಾರಿ; ಅವಮಾನ ತಾಳಲಾರದೆ ತಾಯಿ,ಹಿರಿಮಗ ಆತ್ಮಹತ್ಯೆ

ಕಿರಿ ಮಗ ಮಹಿಳೆಯೊಂದಿಗೆ ಪರಾರಿಯಾದ ಕಾರಣ ಅವಮಾನ ತಾಳಲಾರದೆ ತಾಯಿ ಮತ್ತು ಅಣ್ಣ ಆತ್ಮಹತ್ಯೆಗೆ ಶರಣಾದ ಘಟನೆ ನಡೆದಿದೆ.

ಚಾಮರಾಜನಗರ: ಮಗ ಮತ್ತು ತಾಯಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ ದಾರುಣ ಘಟನೆ ಗುಂಡ್ಲುಪೇಟೆ ತಾಲೂಕಿನ ಬೆಳಚವಾಡಿ ಗ್ರಾಮದಲ್ಲಿ ನಡೆದಿದೆ‌.

ಹಿರಿಮಗ- ತಾಯಿ ಆತ್ಮಹತ್ಯೆ

ಮಹದೇವಮ್ಮ (40), ಸಿದ್ದರಾಜು (23) ನೇಣಿಗೆ ಶರಣಾದ ದುರ್ದೈವಿಗಳು. ಕಿರಿಯ ಮಗ ನಂಜುಂಡಿ ಎಂಬಾತ ಗ್ರಾಮದ ವಿವಾಹಿತ ಮಹಿಳೆಯೊಂದಿಗೆ ಪರಾರಿಯಾಗಿದ್ದಕ್ಕೆ ಅವಮಾನ ತಾಳಲಾರದೆ ಬೇಸರಗೊಂಡು ತಾಯಿ-ಮಗ ಇಬ್ಬರೂ ರಾತ್ರಿ ನೇಣಿಗೆ ಶರಣಾಗಿದ್ದಾರೆ ಎಂಬ ಮಾಹಿತಿ ದೊರೆತಿದೆ.

ಪೊಲೀಸರು ಘಟನಾ ಸ್ಥಳಕ್ಕೆ ಭೇಟಿ ನೀಡಿದ್ದು ಶವಗಳನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಲು ಸಿದ್ಧತೆ ನಡೆಸುತ್ತಿದ್ದಾರೆ.

ಬೇಗೂರು ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.