ಚಾಮರಾಜನಗರದ ಎಡಬೆಟ್ಟದಲ್ಲಿ ಬೆಂಕಿ.. ‌ಹತ್ತಾರು ಎಕರೆ ಕುರುಚಲು ಕಾಡು ಭಸ್ಮ

ಚಾಮರಾಜನಗರ ಮೆಡಿಕಲ್ ಕಾಲೇಜಿಗೆ ಹೊಂದಿಕೊಂಡಂತಿರುವ ಎಡಬೆಟ್ಟ ಪ್ರದೇಶದಲ್ಲಿ ಬೆಂಕಿ ಹೊತ್ತಿಕೊಂಡು ಹತ್ತಾರು ಎಕರೆ ಕುರುಚಲು ಗಿಡಗಳು ಬೆಂಕಿಗಾಹುತಿಯಾಗಿವೆ.

ಚಾಮರಾಜನಗರ: ನಗರದ ಹೊರವಲಯದಲ್ಲಿರುವ ಎಡಬೆಟ್ಟದಲ್ಲಿ‌ ಬೆಂಕಿ ಕಾಣಿಸಿಕೊಂಡಿದ್ದು, ಹತ್ತಾರು ಎಕರೆ ಕುರುಚಲು ಕಾಡು ಸುಟ್ಟು ಭಸ್ಮವಾಗಿದೆ.

ಕುರುಚಲು ಗಿಡಗಳು ಬೆಂಕಿಗಾಹುತಿ

ಚಾಮರಾಜನಗರ ಮೆಡಿಕಲ್ ಕಾಲೇಜಿಗೆ ಹೊಂದಿಕೊಂಡಂತಿರುವ ಪ್ರದೇಶದಲ್ಲಿ ಬೆಂಕಿ‌ಯ ಕೆನ್ನಾಲಿಗೆ ವ್ಯಾಪಿಸಿದ್ದು ಸ್ಥಳಕ್ಕೆ ಅಗ್ನಿಶಾಮಕ ಸಿಬ್ಬಂದಿ, ಅರಣ್ಯ ಇಲಾಖೆ ಸಿಬ್ಬಂದಿ ದೌಡಾಯಿಸಿ ಬೆಂಕಿ‌ ನಂದಿಸುವ ಕಾರ್ಯದಲ್ಲಿ‌ ತೊಡಗಿದ್ದಾರೆ. ‌

ಕಳೆದ ವರ್ಷವೂ ಅಗ್ನಿ ನರ್ತನಕ್ಕೆ ಎಡಬೆಟ್ಟದ ಹತ್ತಾರು ಎಕರೆ ಕುರುಚಲು ಕಾಡು‌ ಸುಟ್ಟು ಭಸ್ಮವಾಗಿತ್ತು. ಕೆಲ ದಿನಗಳಿಂದ ಚಿರತೆಯೊಂದು‌ ಎಡಬೆಟ್ಟದಲ್ಲಿ‌ ಓಡಾಡಿಕೊಂಡಿದ್ದು, ಮೆಡಿಕಲ್ ಕಾಲೇಜಿನ‌ ಕಾರಿಡಾರಿನಲ್ಲಿ‌ ಕಾಣಿಸಿಕೊಂಡು‌ ಆತಂಕ ಮೂಡಿಸಿತ್ತು. ಚಿರತೆ ಓಡಾಟದಿಂದ ಕಿಡಿಗೇಡಿಗಳು ಕಾಡಿಗೆ ಬೆಂಕಿ ಹಾಕಿರುವ ಶಂಕೆ‌ ವ್ಯಕ್ತವಾಗಿದೆ.