ಜಪ್ತಿ ಮಾಡಿದ ಬೈಕ್​ನೊಂದಿಗೆ ಎಸ್ಕೇಪ್​ ಆಗಲು ಯತ್ನಿಸಿದ ಸವಾರ.. ಪೊಲೀಸರು ಮಾಡಿದ್ದೇನು ನೋಡಿ

ಚಾಮರಾಜನಗರದಲ್ಲಿ ಸೀಜ್ ಮಾಡಿದ್ದ ಬೈಕ್​ನೊಂದಿಗೆ ಪರಾರಿಯಾಗಲು ಯತ್ನಿಸಿದ ಸವಾರ ಕೂಡ ಪೊಲೀಸರ ವಶವಾಗಿದ್ದಾನೆ.

ಚಾಮರಾಜನಗರ : ನಗರದಲ್ಲಿ ಜಪ್ತಿ ಮಾಡಿದ್ದ ಬೈಕ್​​ ಅನ್ನು ಪೊಲೀಸರ ಕಣ್ತಪ್ಪಿಸಿ ತೆಗೆದುಕೊಂಡು ಹೋಗಲು ಯತ್ನಿಸಿದ ಸವಾರನನ್ನು ಚೇಸ್ ಮಾಡಿ ಮತ್ತೆ ಬೈಕ್​ ವಶಪಡಿಸಿಕೊಳ್ಳಲಾಗಿದೆ.

ನಗರದಲ್ಲಿ ಲಾಕ್​ ಡೌನ್​ ಅವಧಿಯಲ್ಲಿ ಅನಗತ್ಯವಾಗಿ ರಸ್ತೆಗಿಳಿದ ಬೈಕ್​ ಅನ್ನು ಪೊಲೀಸರು ಸೀಜ್ ಮಾಡಿ ರಸ್ತೆ ಬದಿ ನಿಲ್ಲಿಸಿದ್ದರು. ಈ ವೇಳೆ ಚಾಲಾಕಿ ಸವಾರ ಪೊಲೀಸರ ಕಣ್ತಪ್ಪಿಸಿ ತನ್ನ ಬೈಕ್ ಜೊತೆ ಎಸ್ಕೇಪ್ ಆಗಲು ನೋಡಿದ್ದಾನೆ. ಆಗ ಓಡಿ ಹೋಗಿ ಆತನನ್ನು ಹಿಡಿದ ಪೊಲೀಸ್ ಸಿಬ್ಬಂದಿ ಬೈಕ್ ಜೊತೆ ಆತನನ್ನು ಠಾಣೆಗೆ ಕರೆದುಕೊಂಡು ಹೋಗಿದ್ದಾರೆ.

ಬೈಕ್ ಜೊತೆ ಎಸ್ಕೇಪ್ ಆಗಲು ಯತ್ನಿಸಿದ್ದಲ್ಲದೆ ಸವಾರ ಪೊಲೀಸರೊಂದಿಗೆ ವಾಗ್ವಾದಕ್ಕೆ ಮುಂದಾಗಿದ್ದ, ಈ ವೇಳೆ ಆತನಿಗೆ ಗದರಿದ ಪೊಲೀಸರು ವಶಕ್ಕೆ ಪಡೆದು, ಆತನ ಬೈಕ್​ನಲ್ಲೇ ಠಾಣೆಗೆ ಕರೆದುಕೊಂಡು ಹೋಗಿದ್ದಾರೆ.