ಚಾಮರಾಜನಗರ: ಕಬ್ಬು ಕಟಾವು ಮಾಡುತ್ತಿದ್ದ ವೇಳೆ ಹೆಬ್ಬಾವೊಂದು ಕಾಣಿಸಿಕೊಂಡು ರೈತರನ್ನು ಬೆಚ್ಚಿ ಬೀಳಿಸಿದ ಘಟನೆ ತಾಲೂಕಿನ ಜ್ಯೋತಿಗೌಡನಪುರದಲ್ಲಿ ನಡೆದಿದೆ.
8 ಅಡಿ 2 ಇಂಚು ಉದ್ದದ ಹೆಬ್ಬಾವು ಪತ್ತೆ
ಗ್ರಾಮದ ರಾಜೇಶ್ ಎಂಬುವವರ ಜಮೀನಿನಲ್ಲಿ ಕಬ್ಬು ಕಟಾವು ಮಾಡುತ್ತಿದ್ದ ವೇಳೆ ಬರೋಬ್ಬರಿ 8 ಅಡಿಗಿಂತಲೂ ಹೆಚ್ಚು ಉದ್ದದ ಹಾವು ಕಾಣಿಸಿಕೊಂಡು ಎಲ್ಲರನ್ನೂ ಬೆಚ್ಚಿ ಬೀಳಿಸಿದೆ.
ಬಳಿಕ ಸ್ಥಳೀಯರು ಚಾಮರಾಜನಗರದ ಉರಗಪ್ರೇಮಿ ಸ್ನೇಕ್ ಚಾಂಪ್ ಅವರಿಗೆ ಮಾಹಿತಿ ನೀಡಿ, ಹೆಬ್ಬಾವನ್ನು ರಕ್ಷಿಸಿದ್ದಾರೆ.
ಈ ಕುರಿತು ಸ್ನೇಕ್ ಚಾಂಪ್ ಈಟಿವಿ ಭಾರತದೊಂದಿಗೆ ಮಾತನಾಡಿ, ಹೆಬ್ಬಾವು 8 ಅಡಿ 2 ಇಂಚು ಉದ್ದ ಹಾಗೂ 40 ಕೆಜಿಗಿಂತಲೂ ಹೆಚ್ಚು ತೂಕವಿತ್ತು. ಅಳಿವಿನಂಚಿನಲ್ಲಿರುವ ಈ ಪ್ರಬೇಧವನ್ನು ಕೊಲ್ಲದೇ ರಕ್ಷಿಸುವಂತೆ ಕೋರಿದ್ದಾರೆ.
