ಬಸವಕಲ್ಯಾಣ: ಶಾಸಕ ನಾರಾಯಣರಾವ ಶೀಘ್ರ ಚೇತರಿಕೆಗಾಗಿ ಪೂಜೆ-ಪ್ರಾರ್ಥನೆ

ಮಹಾಮಾರಿ ಕೊರೊನಾ ಸೋಂಕಿಗೆ ಒಳಗಾಗಿರುವ ಶಾಸಕ ಬಿ. ನಾರಾಯಣರಾವ ಅವರು ಶೀಘ್ರ ಗುಣಮುಖರಾಗಿ ಸೇವೆಗೆ ಮರಳಲಿ ಎಂದು ನಗರ ಸೇರಿದಂತೆ ವಿವಿಧೆಡೆ ಪೂಜೆ ಸಲ್ಲಿಸಿ ಪಾರ್ಥನೆ ಮಾಡಲಾಯಿತು.

ಬಸವಕಲ್ಯಾಣ: ಮಾರಕ ಕೊರೊನಾ ಸೋಂಕಿಗೆ ಬೆಂಗಳೂರಿನ ಮಣಿಪಾಲ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಕ್ಷೇತ್ರದ ಶಾಸಕ ಬಿ. ನಾರಾಯಣರಾವ ಶೀಘ್ರ ಗುಣಮುಖರಾಗಲಿ ಎಂದು ಪ್ರಾರ್ಥಿಸಿ ನಗರ ಸೇರಿದಂತೆ ವಿವಿಧೆಡೆ ಪೂಜೆ, ಪ್ರಾರ್ಥನೆ ಸಲ್ಲಿಸಲಾಯಿತು.

ಶಾಸಕ ನಾರಾಯಣರಾವ ಆದಷ್ಟು ಬೇಗ ಗುಣಮುಖರಾಗಲಿ ಎಂದು ತ್ರಿಪುರಾಂತನ ಜೈಭವಾನಿ ಮಂದಿರದಲ್ಲಿ ಪೂಜೆ, ಅಭಿಷೇಕ, ಪ್ರಾರ್ಥನೆ ಜರುಗಿತು. ಜೈಭವಾನಿ ಮಂದಿರ ಸುಧಾರಣ ಸಮಿತಿ ಅಧ್ಯಕ್ಷ ಗೋವಿಂದ ಚಾಮಾಲ್ಲೆ, ನಗರಸಭೆ ಸದಸ್ಯರಾದ ಮಲ್ಲಿಕಾರ್ಜುನ ಬೊಕ್ಕೆ, ರವಿ ಬೋರೊಳೆ, ರಾಮ ಜಾಧವ, ಮಾಜಿ ಸದಸ್ಯ ನಾಗನಾಥ ಚಾಮಾಲ್ಲೆ, ವೀರಶೈವ ಮಹಾ ಸಭೆ ತಾಲೂಕು ಅಧ್ಯಕ್ಷ ಶಶಿಕಾಂತ ದುರ್ಗೆ, ಮುಖಂಡರಾದ ರಾಮಣ್ಣ ಮಂಠಾಳೆ, ರಾಜಕುಮಾರ ಇರಲೆ, ದಿಗಂಬರ ಬೊಕ್ಕೆ ಇತರರು ಭಾಗವಹಿಸಿದ್ದರು.

ನಗರದ ವಿಶ್ವ ಡೆವಲಪರ್ ಕಚೇರಿಯಲ್ಲಿ ವಿಶೇಷ ಪೂಜೆ ಸಲ್ಲಿಸಿ ನಾರಾಯಣರಾವ ಅವರು ಬೇಗ ಗುಣಮುಖರಾಗಿ ಜನ ಸೇವೆಗೆ ಮರಳಿ ಬರಲಿ ಎಂದು ದೇವರಲ್ಲಿ ಪ್ರಾರ್ಥಿಸಲಾಯಿತು. ಪೂಜ್ಯ ಧಮ್ಮನಾಗ ಭಂತೆ, ಅಕ್ಬರ್ ಮೌಲಾನಾ, ವಿಶ್ವ ಡೆವಲರ್ಸ್​​ ಅಧ್ಯಕ್ಷ ಬಸವರಾಜ ಸ್ವಾಮಿ, ಬಾಲಾಜಿ ಚಂಡಕಾಪೂರೆ, ತಹಸೀನಲಿ ಜಮಾದಾರ, ಅಸ್ಲಮ್ ಜನಾಬ, ವಿಶ್ವನಾಥ ಗುರ್ಜರ ಉಪಸ್ಥಿತರಿದ್ದರು. ಹುಲಸೂರ ರಸ್ತೆ ವಾರ್ಡ್​ ಸಂಖ್ಯೆ 5 ರ ರಕ್ಷಾ ಕಾಲನಿಯಲ್ಲಿ ಪ್ರಾರ್ಥನೆ ಸಲ್ಲಿಸಲಾಯಿತು.

ಮೋರಖಂಡಿ: ಮೊರಖಂಡಿ ಗ್ರಾಮದ ಸಿದ್ದೇಶ್ವರ ದೇವಸ್ಥಾನದಲ್ಲಿ ಕಾಂಗ್ರೆಸ್ ಮುಖಂಡ ಜವಾರ್ ಗೋರ್ಟೆಯವರು ವಿಶೇಷ ಪೂಜೆ ಸಲ್ಲಿಸಿ ಪ್ರಾರ್ಥನೆ ಸಲ್ಲಿಸಿದ್ದಾರೆ. ಪಿಕೆಪಿಎಸ್ ಉಪಾಧ್ಯಕ್ಷ ವೆಂಕಟ ಮೇತ್ರೆ, ಬಾಲಾಜಿ ಮುಳೆ ಇವರು ಸಹ ಪ್ರಾರ್ಥನೆ ಸಲ್ಲಿಸಿದ್ದಾರೆ.

ಯರಂಡಗಿ: ಗ್ರಾಮದ ರಾಜಾ ಸರ್ವರ್ ಸಾಹೇಬ್ ದರ್ಗಾದಲ್ಲಿ ವಿಶೇಷ ಪ್ರಾರ್ಥನೆ ಸಲ್ಲಿಸುವ ಮೂಲಕ ಶಾಸಕರ ಆರೋಗ್ಯ ಚೇತರಿಕೆಗಾಗಿ ಪ್ರಾರ್ಥನೆ ಸಲ್ಲಿಸಲಾಯಿತು. ಮುಖಂಡರಾದ ಅಹೇಮದ್ ಗಿರನಿವಾಲೆ, ರಾಜು ಸೋನಾರ್, ಪ್ರಮೋದ, ವಿರೇಶ, ದಯಾನಂದ ಪಾಟೀಲ್ ಸೇರಿದಂತೆ ಪ್ರಮುಖರು ಪಾಲ್ಗೊಂಡಿದ್ದರು.

ಗಣ್ಯರ ಪ್ರಾರ್ಥನೆ: ಕ್ಷೇತ್ರದ ಶಾಸಕ ನಾರಾಯಣರಾವ ಅವರು ಶೀಘ್ರ ಗಣಮುಖರಾಗಲಿ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಪ್ರಭು ಚವ್ಹಾಣ್, ಸಂಸದ ಭಗವಂತ ಖೂಬಾ, ಮಾಜಿ ಶಾಸಕ ಮಲ್ಲಿಕಾರ್ಜುನ ಖೂಬಾ, ಆಪ್ ಪಕ್ಷದ ಮುಖಂಡ ದೀಪಕ್ ಮಾಲಗಾರ ಸೇರಿದಂತೆ ಕಾಂಗ್ರೆಸ್, ಬಿಜೆಪಿ ಹಾಗೂ ಇತರ ಪಕ್ಷಗಳ ಗಣ್ಯರು, ಪ್ರಮುಖರು ತಮ್ಮ ಫೇಸ್ಬುಕ್ ಪೇಜ್‌ನಲ್ಲಿ ಪ್ರಾರ್ಥನೆ ಸಲ್ಲಿಸಿದ್ದಾರೆ.