ಭಾನಾಮತಿ ಶಂಕೆ: ಹುಮನಾಬಾದ್​ನಲ್ಲಿ​ ಸಾರ್ವಜನಿಕರಿಂದ ವ್ಯಕ್ತಿಗೆ ಹಿಗ್ಗಾ ಮುಗ್ಗಾ ಥಳಿತ...!

ಬೀದರ್​ ಜಿಲ್ಲೆ ಹುಮನಾಬಾದ್ ಪಟ್ಟಣದಲ್ಲಿ ಅಂಗಡಿಯೊಂದರ ಮುಂದೆ ರಾತ್ರಿ ಕುಂಕುಮ, ಅರಿಶಿನ ಚೆಲ್ಲಾಡಿದ ದೃಶ್ಯ ಸಿಸಿ ಟಿವಿಯಲ್ಲಿ ಸೆರೆಯಾಗಿದ್ದು, ಭಾನಾಮತಿ ಶಂಕಿಸಿ ವಿಶ್ವನಾಥ ರೆಡ್ಡಿ ಎಂಬಾತನನ್ನು ಹಿಗ್ಗಾಮುಗ್ಗಾ ಥಳಿಸಲಾಗಿದೆ.

ಬೀದರ್: ಭಾನಾಮತಿ ಶಂಕೆಯಿಂದ ವ್ಯಕ್ತಿಯೊಬ್ಬನಿಗೆ ಹಿಗ್ಗಾಮುಗ್ಗಾ ಥಳಿಸಿ, ಪೊಲೀಸರಿಗೆ ಒಪ್ಪಿಸಿದ ಘಟನೆ ಜಿಲ್ಲೆಯ ಹುಮನಾಬಾದ್ ಪಟ್ಟಣದಲ್ಲಿ ನಡೆದಿದೆ.

ವಿಶ್ವನಾಥ ರೆಡ್ಡಿ ಎಂಬಾತ ಅಂಗಡಿಯೊಂದರ ಎದುರು ಕುಂಕುಮ, ಅರಿಶಿನ ಚೆಲ್ಲುತ್ತಿರುವ ದೃಶ್ಯ ಸಿಸಿ ಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಭಾನಾಮತಿ ಮಾಡಿಸಿರಬಹುದು ಎಂಬ ಅನುಮಾನಗೊಂಡ ಸಾರ್ವಜನಿಕರು ವಿಶ್ವನಾಥ್ ರೆಡ್ಡಿಗೆ ಥಳಿಸಿದ್ದಾರೆ.

ಹಿಂದೆ ನಾಲ್ಕು ಬಾರಿ ಇಂತಹದೆ ಕುಕೃತ್ಯ ಮಾಡಿ ಸಾರ್ವಜನಿಕರಲ್ಲಿ ಅನುಮಾನ ಹುಟ್ಟಿಸುವಂತೆ ಮಾಡಿದ್ದ ಎನ್ನಲಾಗುತ್ತಿದೆ. ನಂತರ ಪೊಲೀಸರಿಗೆ ಒಪ್ಪಿಸಿದ್ದು, ಈ ಕುರಿತು ಹುಮನಾಬಾದ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.