ಕೊರೊನಾ ಭೀತಿ: ಕರ್ತವ್ಯಕ್ಕೆ ಹಾಜರಾಗದ ಕ್ವಾರಂಟೈನ್​​​​ ಕೇಂದ್ರದ ಸಿಬ್ಬಂದಿ

ಮಹಾರಾಷ್ಟ್ರ ಗಡಿಗೆ ಹೊಂದಿಕೊಂಡಿರುವ ಜಿಲ್ಲೆಯ ಕಮಲನಗರ ಪಟ್ಟಣದ ಗುರಪ್ಪ ಟೊಣ್ಣೆ ಶಾಲೆಯಲ್ಲಿ ಸ್ಥಾಪಿಸಲಾದ ಕ್ವಾರಂಟೈನ್​ನಲ್ಲಿ ಶಿಕ್ಷಕರು ಕರ್ತವ್ಯಕ್ಕೆ ಹಾಜರಾಗುತ್ತಿಲ್ಲ. ಇನ್ನು ಪಟ್ಟಣದ ಹೊರ ವಲಯದ ಮೆಟ್ರಿಕ್ ನಂತರದ ಬಾಲಕರ ವಸತಿ ನಿಲಯದ ಕ್ವಾರಂಟೈನ್ ಕೇಂದ್ರಕ್ಕಂತೂ ಅಧಿಕಾರಿಗಳೇ ಬರ್ತಿಲ್ವಂತೆ.

ಬೀದರ್: ಕ್ವಾರಂಟೈನ್​ ಕೇಂದ್ರವಾಗಿ ಪರಿವರ್ತನೆ ಮಾಡಿರುವ ಶಾಲೆಯಲ್ಲಿ ಕೊರೊನಾ ಕರ್ತವ್ಯ ನಿರ್ವಹಿಸಲು ಶಿಕ್ಷಕರು ಹಿಂದೇಟು ಹಾಕುತ್ತಿದ್ದಾರೆ.

ಮಹಾರಾಷ್ಟ್ರ ಗಡಿಗೆ ಹೊಂದಿಕೊಂಡಿರುವ ಜಿಲ್ಲೆಯ ಕಮಲನಗರ ಪಟ್ಟಣದ ಗುರಪ್ಪ ಟೊಣ್ಣೆ ಶಾಲೆಯಲ್ಲಿ ಸ್ಥಾಪಿಸಲಾದ ಕ್ವಾರಂಟೈನ್​ನಲ್ಲಿ ಶಿಕ್ಷಕರು ಕರ್ತವ್ಯಕ್ಕೆ ಹಾಜರಾಗುತ್ತಿಲ್ಲ. ಮಹಾರಾಷ್ಟ್ರದ ಪುಣೆಯಿಂದ ಬಂದ 49 ಜನರು ಕ್ವಾರಂಟೈನಲ್ಲಿದ್ದು, ಒಬ್ಬ ಶಿಕ್ಷಕ ಮಾತ್ರ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ.

ಅಲ್ಲಿ ಕೆಲಸ ನಿರ್ವಹಿಸದರೆ ತಮಗೂ ಕೊರೊನಾ ಬರುತ್ತದೆ ಎಂಬ ಭಯದಿಂದ ಈ ರೀತಿ ಮಾಡುತ್ತಿದ್ದಾರೆ ಎನ್ನಲಾಗಿದೆ. ಇನ್ನು ಪಟ್ಟಣದ ಹೊರ ವಲಯದ ಮೆಟ್ರಿಕ್ ನಂತರದ ಬಾಲಕರ ವಸತಿ ನಿಲಯದ ಕ್ವಾರಂಟೈನ್ ಕೇಂದ್ರಕ್ಕಂತೂ ಅಧಿಕಾರಿಗಳೇ ಬರ್ತಿಲ್ವಂತೆ. ಡಿ ಗ್ರೂಪ್ ನೌಕರರು ಮಾತ್ರ ಊಟದ ವ್ಯವಸ್ಥೆ ಮಾಡ್ತಿದ್ದಾರೆ. ಅಲ್ಲದೆ ಕ್ವಾರಂಟೈನ್​​ನಲ್ಲಿದ್ದ ಜನರು ಮನೆಗಳಿಗೆ ಹೋಗಿ ವಾಪಸ್​ ಬರ್ತಿದ್ದಾರಂತೆ. ಸಂಜೆ ಆಗ್ತಿದ್ದಂತೆ ಗೆಳೆಯರೊಂದಿಗೆ ಗುಂಡು ಪಾರ್ಟಿ ಕೂಡ ಮಾಡ್ತಿದ್ದಾರಂತೆ.

ಇತ್ತ ಪೊಲೀಸರ ಬಂದೋಬಸ್ತ್​ ಕೂಡ ಇಲ್ಲ, ಅತ್ತ ಅಧಿಕಾರಿಗಳೂ ಸಹ ಇಲ್ಲದೆ ಕ್ವಾರಂಟೈನ್​ ಕೇಂದ್ರಗಳು ದುರಾವಸ್ಥೆ ತಲುಪಿವೆ. ಈ ಮುಖಾಂತರ ಕೊರೊನಾ ಹರಡುವ ಕೇಂದ್ರಗಳಾಗಿ ಮಾರ್ಪಾಡಾಗುತ್ತಿವೆ ಎಂಬುದು ಇಲ್ಲಿನ ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.