ಬೀದರ್​ನ ಓಲ್ಡ್ ಸಿಟಿ ಕಂಟೇನ್ಮೆಂಟ್ ಝೋನ್ ಮುಕ್ತವಾಗಲಿದೆ: ಶಾಸಕ ರಹೀಂಖಾನ್

ಓಲ್ಡ್ ಸಿಟಿ ಕಂಟೇನ್ಮೆಂಟ್ ಝೋನ್ ಮುಕ್ತವಾಗಲಿದೆ ಎಂದು ಶಾಸಕ ರಹೀಂಖಾನ್ ಸಾಮಾಜಿಕ ಜಾಲತಾಣದಲ್ಲಿ ಹೇಳಿಕೊಂಡಿದ್ದಾರೆ. ಜಿಲ್ಲಾಡಳಿತದ ಆದೇಶಕ್ಕೂ ಮುನ್ನವೇ ಕೊವಿಡ್-19 ವಿಚಾರದಲ್ಲಿ ಶಾಸಕರು ಮಾತನಾಡಿದ್ದು, ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್​​ ಚರ್ಚೆಗೆ ಗ್ರಾಸವಾಗಿದೆ.

ಬೀದರ್: ನಗರದ ಓಲ್ಡ್ ಸಿಟಿ ಕಂಟೇನ್ಮೆಂಟ್ ಝೋನ್ ಮುಕ್ತವಾಗಲಿದೆ ಎಂದು ಶಾಸಕ ರಹೀಂಖಾನ್ ಸಾಮಾಜಿಕ ಜಾಲತಾಣದಲ್ಲಿ ಹೇಳಿಕೊಂಡಿದ್ದಾರೆ.

ಈ ಕುರಿತು ಶಾಸಕ ರಹೀಂಖಾನ್ ಮಾತನಾಡಿರುವ ವಿಡಿಯೋದಲ್ಲಿ ಓಲ್ಡ್ ಸಿಟಿಯ ಮೂರು ವಾರ್ಡ್​ಗಳನ್ನು ಹೊರತುಪಡಿಸಿ ಉಳಿದೆಲ್ಲಾ ವಾರ್ಡ್​ಗಳ ಮೇಲೆ ಹೇರಲಾದ ಸೀಲ್​​ ಡೌನ್ ನಿಯಮ ತೆರವುಗೊಳಿಸಿ ಆದೇಶ ಮಾಡಲಾಗಿದೆ. ಇನ್ನೂ ಹಂತ ಹಂತವಾಗಿ ಓಲ್ಡ್ ಸಿಟಿಯ ಎಲ್ಲಾ ಭಾಗ ಕಂಟೇನ್ಮೆಂಟ್ ಝೋನ್​​ನಿಂದ ಮುಕ್ತವಾಗಲಿದೆ ಎಂದು ಹೇಳಿದ್ದಾರೆ.

ಓಲ್ಡ್ ಸಿಟಿಯ ಒಟ್ಟು 12 ವಾರ್ಡ್​ಗಳನ್ನು ಸೀಲ್​​ ಡೌನ್ ಮಾಡಿ, ಕಂಟೇನ್ಮೆಂಟ್ ಝೋನ್ ಎಂದು ಘೋಷಣೆ ಮಾಡಿ ಜಿಲ್ಲಾಡಳಿತ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತರಲು ಪ್ರಯತ್ನಿಸುತ್ತಿದೆ. ಅಲ್ಲದೆ ಸೋಂಕಿತರು ಪತ್ತೆಯಾದ ಭಾಗವನ್ನು ಸಾಮೂಹಿಕವಾಗಿ ವೈದ್ಯಕೀಯ ತಪಾಸಣೆಗೆ ಒಳಪಡಿಸಿದಾಗ ಹೆಚ್ಚಿನ ಸಂಖ್ಯೆಯಲ್ಲಿ ಸೋಂಕಿತರು ಪತ್ತೆಯಾಗಿದ್ದರು. ಮಂಗಳವಾರ ಓಲ್ಡ್ ಸಿಟಿಯಲ್ಲೇ 7 ಹೊಸ ಪ್ರಕರಣಗಳು ಪತ್ತೆಯಾಗಿವೆ.