ಬಸವಕಲ್ಯಾಣ/ಬೀದರ್: ಕೊರೊನಾ ಹಿನ್ನೆಲೆಯಲ್ಲಿ ಜನತೆಯ ಹಿತ ದೃಷ್ಠಿಯಿಂದ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಕರೆ ನೀಡಿರುವ ಜನತಾ ಕರ್ಫ್ಯೂ ಬೆಂಬಲಿಸಲು ಬೆಳಗಿನ ಜಾವವೇ ಮದುವೆ ಕಾರ್ಯ ನಡೆಸಿ, ಜನತಾ ಕರ್ಫ್ಯೂಗೆ ಬೆಂಬಲಿಸಿದ ಪ್ರಸಂಗ ತಾಲೂಕಿನ ಇಸ್ಲಾಂಪೂರ ಗ್ರಾಮದಲ್ಲಿ ನಡೆದಿದೆ.
ಜನತಾ ಕರ್ಫ್ಯೂ ಹಿನ್ನೆಲೆ: ಸೂರ್ಯೊದಯದಲ್ಲೇ ನಡೆಯಿತು ಮದುವೆ
ಇಸ್ಲಾಂಪೂರ ಗ್ರಾಮದ ರತ್ನಮ್ಮ, ಹಣಮಂತಪ್ಪ ಮೇತ್ರೆ ಅವರ ಪುತ್ರ ಪ್ರಭು ಹಾಗೂ ಹುಮನಾಬಾದ ತಾಲೂಕಿನ ಘಾಟಬೋರೋಳ ಗ್ರಾಮದ ನಾಗಮ್ಮ, ವಿಶ್ವನಾಥ ಕೋಟೆ ಅವರ ಪುತ್ರಿ ರೇಷ್ಮಾ ಅವರೊಂದಿಗೆ ಮುಂಜಾನೆ 6:30ಕ್ಕೆ ವಿವಾಹ ಕಾರ್ಯ ಜರುಗಿದೆ.
ಪೂರ್ವ ನಿಗದಿಯಂತೆ ಇಂದು ಮಧ್ಯಾಹ್ನ 12:32ಕ್ಕೆ ಗ್ರಾಮದ ದತ್ತಾತ್ರೆಯ ದೇವಸ್ಥಾನದಲ್ಲಿ ಇವರ ಮದುವೆ ನಡೆಯಬೇಕಿತ್ತು. ಕೊರೊನಾ ಭೀತಿ ಹಿನ್ನೆಲೆಯಲ್ಲಿ ಮುಂಜಾಗೃತ ಕ್ರಮವಾಗಿ ಜಿಲ್ಲೆಯಲ್ಲಿ ಮಾ.31ರ ವರೆಗೆ 144 ಸೆಕ್ಷನ್ ಜಾರಿಯಲ್ಲಿದೆ. ಹೀಗಾಗಿ ಅದ್ಧೂರಿ ಮದುವೆ ಕೈಬಿಟ್ಟು ಸರಳವಾಗಿ ಅಚರಿಸುವ ಮೂಲಕ ವಧು-ವರರ ಪರಿವಾರದವರು ಬದ್ಧತೆ ಪ್ರದರ್ಶಸಿದ್ದಾರೆ.
