ಬೀದರ್: ಮಹಾಮಾರಿ ಕೊರೊನಾ ವೈರಸ್ ಸೋಂಕು ನಿಯಂತ್ರಿಸಲು ಸರ್ಕಾರ ದೇಶವನ್ನೇ ಲಾಕ್ಡೌನ್ ಮಾಡಿ ಎಂದು ಆದೇಶ ಮಾಡಿದೆ. ಈ ನಡುವೆ ಹುಂಬತನ ತೋರಿದ ವ್ಯಕ್ತಿಯೊಬ್ಬನ ವಿರುದ್ಧ ಖಟಕ ಚಿಂಚೋಳಿ ಪೊಲೀಸರು ಕೇಸ್ ದಾಖಲಿಸಿದ್ದಾರೆ.
ಜಿಲ್ಲೆಯ ಭಾಲ್ಕಿ ತಾಲೂಕಿನ ಖಟಕ್ ಚಿಂಚೋಳಿ ಗ್ರಾಮದ ಅನಿಲಕುಮಾರ್ ನಿಜಗುಣಕರ ಎಂಬಾತ ನಿಷೇಧಾಜ್ಞೆ ಉಲ್ಲಂಘಿಸಿ ಸಾರ್ವಜನಿಕ ಪ್ರದೇಶದಲ್ಲಿ ಗುಂಪು ಕಟ್ಟಿಕೊಂಡು ಸುತ್ತಾಡುತ್ತಿದ್ದ. ಕೊರೊನಾ ವೈರಸ್ ಸೋಂಕು ಹರಡುವ ಸಾಧ್ಯತೆ ಇದೆ. ಹೀಗಾಗಿ ನಿಷೇಧಾಜ್ಞೆ ಜಾರಿಯಲ್ಲಿದೆ ಎಂದು ಪೊಲೀಸರು ಮನವರಿಕೆ ಮಾಡಿದ್ರು. ಆದರೆ ಹುಂಬತನಕ್ಕೆ ನಿಂತ ಅನಿಲಕುಮಾರ್ ಪೊಲೀಸರ ಮಾತಿಗೂ ಬಗ್ಗದೆ ಗ್ರಾಮದಲ್ಲಿ ಮತ್ತಷ್ಟು ಸುತ್ತಾಡಿದ್ದಾನೆ ಎನ್ನಲಾಗಿದೆ. ಇದನ್ನರಿತ ಸ್ಥಳೀಯ ಪಿಎಸ್ಐ ಹುಲೆಪ್ಪಾ, ಘಟನಾ ಸ್ಥಳಕ್ಕೆ ಭೇಟಿ ನೀಡಿ ತಿಳಿವಳಿಕೆ ಹೇಳಿದರೂ ಕೇಳದ ಅನಿಲಕುಮಾರ್ ವಿರುದ್ಧ ಕಲಂ 269 ಹಾಗೂ 271 ಅಡಿಯಲ್ಲಿ ಪ್ರಕರಣ ದಾಖಲಿಸಿ ಆತನನ್ನು ಅರೆಸ್ಟ್ ಮಾಡಲಾಗಿದೆ.
