ಬೀದರ್‌ನಲ್ಲಿ 43 ಜನರಿಗೆ ಕೊರೊನಾ ಸೋಂಕು ದೃಢ, 3 ಬಲಿ

ಜಿಲ್ಲೆಯಲ್ಲಿಂದು 43 ಕೋವಿಡ್ ಪಾಸಿಟಿವ್ ಪ್ರಕರಣಗಳು ವರದಿಯಾಗುವ ಮೂಲಕ ಸೋಂಕಿತರ ಸಂಖ್ಯೆ 3,791ಕ್ಕೆ ತಲುಪಿದೆ. ಮತ್ತು ಮೂವರು ತಮ್ಮ ಪ್ರಾಣ ಕಳೆದುಕೊಂಡಿದ್ದಾರೆ.

ಬೀದರ್: ಕೊರೊನಾ ಅಟ್ಟಹಾಸ ಮುಂದುವರೆದಿದ್ದು ಇಂದು ಮತ್ತೆ ಮೂವರು ಕೊನೆಯುಸಿರೆಳೆದಿದ್ದಾರೆ. 43 ಜನರಿಗೆ ಸೋಂಕು ತಗುಲಿರುವುದು ದೃಢಪಟ್ಟಿದೆ.

ಪ್ರಕಟಣೆ

ಜಿಲ್ಲೆಯ ಔರಾದ್‌ನಲ್ಲಿ 4, ಬಸವಕಲ್ಯಾಣ 6, ಭಾಲ್ಕಿ 7, ಬೀದರ್ 20 ಹಾಗು ಹುಮನಾಬಾದ್‌ನಲ್ಲಿ 6 ಸೋಂಕಿತ ಪ್ರಕರಣಗಳು ವರದಿಯಾಗಿದೆ.

131 ಜನರು ಗುಣಮುಖರಾಗಿ ಇಂದು ಬಿಡುಗಡೆಯಾಗಿದ್ದಾರೆ. 3,791 ಸೋಂಕಿತರ ಪೈಕಿ 2,723 ಮಂದಿ ಸಂಪೂರ್ಣ ಗುಣಮುಖರಾಗಿದ್ದಾರೆ. ಈವರೆಗೆ 119 ಜನರು ಮೃತಪಟ್ಟಿದ್ದು ಸದ್ಯ 945 ಜನರು ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಜಿಲ್ಲಾ ಸರ್ವೇಕ್ಷಣಾಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.