ನಕಲಿ ಪಾಸ್ ಸೃಷ್ಟಿಸಿ ಮುಂಬೈನಿಂದ 15 ಪ್ರಯಾಣಿಕರ ಸಾಗಾಟ: ಖಾಸಗಿ ಬಸ್​ ಜಪ್ತಿ

ಬೀದರ್​ ಜಿಲ್ಲೆಯ ಬಸವಕಲ್ಯಾಣ ತಾಲೂಕಿನ ಗಡಿ ಭಾಗದಲ್ಲಿರುವ ಚಂಡಕಾಪುರದ ಸಮೀಪ ನಕಲಿ ಪಾಸ್ ಸೃಷ್ಟಿಸಿ, ಮುಂಬೈನಿಂದ 15 ಪ್ರಯಾಣಿಕರನ್ನ ಕರೆ ತರುತ್ತಿದ್ದ ಖಾಸಗಿ ಬಸ್​ವೊಂದನ್ನ ಜಪ್ತಿ ಮಾಡಲಾಗಿದೆ.

ಬಸವಕಲ್ಯಾಣ(ಬೀದರ್​): ತಾಲೂಕಿನ ಗಡಿ ಭಾಗದಲ್ಲಿರುವ ಚಂಡಕಾಪುರದ ಸಮೀಪ ನಕಲಿ ಪಾಸ್ ಸೃಷ್ಟಿಸಿ ಮುಂಬೈನಿಂದ ಪ್ರಯಾಣಿಕರನ್ನ ಕರೆ ತರುತ್ತಿದ್ದ ಖಾಸಗಿ ಬಸ್​ವೊಂದನ್ನ ಜಪ್ತಿ ಮಾಡಲಾಗಿದೆ.

ಮಹಾರಾಷ್ಟ್ರದ ಗಡಿಯಲ್ಲಿ ಬಸವಕಲ್ಯಾಣ ತಹಶೀಲ್ದಾರ್​ ನೇತೃತ್ವದಲ್ಲಿ ಪೊಲೀಸರು ವಾಹನಗಳ ತಪಾಸಣೆ ನಡೆಸುತ್ತಿದ್ದ ವೇಳೆ ನಕಲಿ ಪಾಸ್ ಸೃಷ್ಟಿಸಿ ​ನಟಕರ್ ಟ್ರಾವೆಲ್ಸ್ ಹೆಸರಿನ ಖಾಸಗಿ ಬಸ್‌ನಲ್ಲಿ ಮಹಾರಾಷ್ಟ್ರದ ಮುಂಬೈನಿಂದ ಬಸವಕಲ್ಯಾಣಕ್ಕೆ 15ಕ್ಕೂ ಹೆಚ್ಚಿನ ಪ್ರಯಾಣಿಕರನ್ನ ಕರೆ ತರುತ್ತಿರುವುದು ಬೆಳಕಿಗೆ ಬಂದಿದೆ. ಈ ಸಂಬಂಧ ಬಸ್​ ಚಾಲಕ ಹಾಗೂ ಮಾಲೀಕನ ವಿರುದ್ಧ ಮಂಠಾಳ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.