ಯುವತಿ ರುಂಡ ಕತ್ತರಿಸಿದ ಕೇಸ್​.. ಬಾಲ್ಯವಿವಾಹ ಪ್ರಕರಣದಡಿ ಅಪ್ಪ-ಅಮ್ಮ ಜೈಲುಪಾಲು

ಯುವತಿಯ ರುಂಡ ಚೆಂಡಾಡಿದ್ದ ಪ್ರಕರಣ- ತನಿಖೆ ಕೈಗೊಂಡ ಪೊಲೀಸ್​​ ತಂಡಕ್ಕೆ ಸಿಕ್ಕಿತು ಮತ್ತೊಂದು ಮಾಹಿತಿ - ಪಾಗಲ್​ ಪ್ರೇಮಿಯ ತಂದೆ-ತಾಯಿ ಈಗ ಜೈಲುಪಾಲು

ವಿಜಯನಗರ: ಇತ್ತೀಚೆಗೆ ಪ್ರೀತಿ ನಿರಾಕರಿಸಿದ ಯುವತಿಯನ್ನ ಭೀಕರವಾಗಿ ಹತ್ಯೆಗೈದಿದ್ದ ಪ್ರಕರಣ ಇಡೀ ಜಿಲ್ಲೆಯನ್ನೇ ಬೆಚ್ಚಿಬೀಳಿಸಿತ್ತು. ಯುವತಿ ಕೊಲೆಗೈದು ಜೈಲು ಸೇರಿದ ಪಾಗಲ್ ಪ್ರೇಮಿ ವಿರುದ್ಧ ಅಪ್ರಾಪ್ತ ಬಾಲಕಿಯನ್ನ ಮದುವೆಯಾಗಿರುವ ಮತ್ತೊಂದು ಪ್ರಕರಣ ದಾಖಲಾಗಿದೆ. ಮತ್ತೊಂದೆಡೆ ಪಾಗಲ್ ಪ್ರೇಮಿಯ ತಂದೆ-ತಾಯಿ ಕೂಡ ಈಗ ಜೈಲು ಸೇರಬೇಕಾಗಿದೆ.

ವಿಜಯನಗರ ಜಿಲ್ಲೆಯ ಕೂಡ್ಲಿಗಿ ತಾಲೂಕಿನ ಕನ್ನಿ ಬೋರಯ್ಯನಹಟ್ಟಿ ಗ್ರಾಮದಲ್ಲಿ ನಡೆದ ಯುವತಿಯ ಬರ್ಬರ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ತನಿಖೆ ಕೈಗೊಂಡ ಪೊಲೀಸ್​​ ತಂಡಕ್ಕೆ ಮತ್ತೊಂದು ಮಾಹಿತಿ ಸಿಕ್ಕಿದೆ. ಕೊಲೆ ಪ್ರಕರಣದಲ್ಲಿ ಪ್ರಮುಖ ಆರೋಪಿ ಬೋಜರಾಜ್​​ಗೆ ಸಹಕರಿಸಿದ ಆತನ ತಂದೆ ಬಸಣ್ಣ ಮತ್ತು ಭೋಜರಾಜನಿಗೆ ಅಪ್ರಾಪ್ತೆಯನ್ನು ಮದುವೆ ಮಾಡಿಸಿದ್ದ ತಾಯಿ ಕರಿಬಸಮ್ಮ ಈಗ ಜೈಲು ಪಾಲಾಗಿದ್ದಾರೆ. ಹೊಸಹಳ್ಳಿ ಪೊಲೀಸರು ಈ ಇಬ್ಬರನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.

ಪೋಷಕರು

ಘಟನೆ ವಿವರ: ಇದೇ ತಿಂಗಳು ತಾಲೂಕಿನ ಕನ್ನಿ ಬೋರಯ್ಯನಹಟ್ಟಿಯ ನರ್ಸಿಂಗ್ ಓದುತ್ತಿದ್ದ ಯುವತಿ ನಿರ್ಮಲಾಳನ್ನು ಅದೇ ಗ್ರಾಮದ ಸಂಬಂಧಿ ಬೋಜರಾಜ್ ಮಚ್ಚಿನಿಂದ ಬರ್ಬರವಾಗಿ ಹತ್ಯೆ ಮಾಡಿ ಆಕೆಯ ರುಂಡವನ್ನು ತೆಗೆದುಕೊಂಡು ಹೋಗಿ ಹೊಸಹಳ್ಳಿ ಠಾಣೆಯಲ್ಲಿ ಪೊಲೀಸರಿಗೆ ಶರಣಾಗಿದ್ದ.

ಕೊಲೆ ಆರೋಪಿ ಬೋಜರಾಜ್ ಕಳೆದ ಎರಡು ತಿಂಗಳ ಹಿಂದೆ 15 ವರ್ಷದ ಬಾಲಕಿಯನ್ನು ಮದುವೆಯಾಗಿದ್ದ. ಮದುವೆ ಮಾಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಆರೋಪಿಯ ತಾಯಿ ಕರಿಬಸಮ್ಮ, ತಂದೆ ಬಸಣ್ಣ ಎಂದು ಗೊತ್ತಾಗಿದ್ದು, ಇಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ.

ಇದನ್ನೂ ಓದಿ: ಮಂಗಳೂರು ಬೀಚ್​ನಲ್ಲಿ ವಿದ್ಯಾರ್ಥಿನಿ ಮೇಲೆ ರೇಪ್​: ವಿಡಿಯೋ ಮಾಡಿ ಬ್ಲಾಕ್​ಮೇಲ್‌, ಆರೋಪಿ ಅರೆಸ್ಟ್