ಬಳ್ಳಾರಿಯಲ್ಲಿ ಕಬ್ಬಿನ ಗದ್ದೆ ಮಧ್ಯೆ 4 ಟನ್​​ನಷ್ಟು ಗಾಂಜಾ ಬೆಳೆ... ಅಧಿಕಾರಿಗಳ ದಾಳಿ, ಓರ್ವನ ಬಂಧನ

ಕಬ್ಬಿನ ಗದ್ದೆ ಮಧ್ಯೆ ಕಾಲು ಎಕರೆ ಜಾಗದಲ್ಲಿ ಗಾಂಜಾ ಬೆಳೆದಿದ್ದು, ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಅಬಕಾರಿ ಇಲಾಖಾ ಅಧಿಕಾರಿಗಳು ಗಾಂಜಾ ಗಿಡಗಳ ಸಮೇತ ಬೆಳೆಗಾರನನ್ನು ವಶಕ್ಕೆ ಪಡೆದಿದ್ದಾರೆ.

ಬಳ್ಳಾರಿ: ಗಣಿನಾಡು ಜಿಲ್ಲೆಯ ಎತ್ತಿನಬೂದಿಹಾಳು ಗ್ರಾಮದ ಹೊರವಲಯದಲ್ಲಿ ಕಬ್ಬು ಬೆಳೆಯ ಮಧ್ಯೆ ಅಂದಾಜು ಕಾಲು ಎಕರೆಯಲ್ಲಿ ಬೆಳೆದ ಗಾಂಜಾ ಗಿಡಗಳನ್ನು ಬಳ್ಳಾರಿ ಉಪ ವಿ‌ಭಾಗಾಧಿಕಾರಿಗಳ ತಂಡ, ಗಾಂಜಾ ಗಿಡಗಳ ಸಮೇತ ಅದನ್ನು ಬೆಳೆದ ರೈತನೋರ್ವನನ್ನು ಬಂಧಿಸಿದೆ.

ಬಳ್ಳಾರಿ ತಾಲೂಕಿನ ಬುರ್ರನಾಯಕನಹಳ್ಳಿ ಗ್ರಾಮದ ಅಲ್ಲಣ್ಣ ಎಂಬಾತನನ್ನು ಅಬಕಾರಿ ಉಪ ವಿಭಾಗಾಧಿಕಾರಿ ಕೆ.ಮೋತಿಲಾಲ್ ನೇತೃತ್ವದ ಸಿಬ್ಬಂದಿ ಬಂಧಿಸಿದ್ದಲ್ಲದೆ, ಲಕ್ಷಾಂತರ ರೂ. ಮೌಲ್ಯದ ಗಾಂಜಾ ಗಿಡಗಳನ್ನು ವಶಪಡಿಸಿಕೊಂಡಿದ್ದಾರೆ.