ಗಣಿನಾಡಿನಲ್ಲಿ ಹಬ್ಬುತ್ತಿದೆ ಕೊರೊನಾ: ಶುಕ್ರವಾರ 1284 ಸೋಂಕಿತರು ಪತ್ತೆ, 24 ಸಾವು

ಗಣಿನಾಡಿನಲ್ಲಿ ಕೊರೊನಾ ಸೋಂಕಿತ ಸಂಖ್ಯೆ ಏರುತ್ತಲೇ ಇದ್ದು, ಇಂದು 1284 ರಲ್ಲಿ ಸೋಂಕು ಕಾಣಿಸಿಕೊಂಡಿದೆ. 24 ಜನ ಬಲಿಯಾಗಿದ್ದಾರೆ.

ಬಳ್ಳಾರಿ: ಬಳ್ಳಾರಿ ಮತ್ತು ವಿಜಯನಗರ ಜಿಲ್ಲೆಗಳಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚುತ್ತಲೇ ಇದೆ. ಶುಕ್ರವಾರ ಒಂದೇ ದಿನ 1284 ಜನರಲ್ಲಿ ಸೋಂಕು ದೃಢಪಟ್ಟಿದ್ದು, 24 ಜನ ಮೃತಪಟ್ಟಿದ್ದಾರೆ.

ಈ ಜಿಲ್ಲೆಗಳಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 59,334 ಕ್ಕೆ ಏರಿಕೆಯಾಗಿದ್ದು, ಮೃತರ ಸಂಖ್ಯೆ 862 ಕ್ಕೆ ಏರಿದೆ.

ಗಣಿನಾಡಿನಲ್ಲಿ ಹಬ್ಬುತ್ತಿದೆ ಕೊರೊನಾ

ಇಂದು 665 ಜನರು ಡಿಸ್ಚಾರ್ಜ್ ಆಗುವ ಮೂಲಕ ಒಟ್ಟು ಡಿಸ್ಚಾರ್ಜ್ ಆದವರ ಸಂಖ್ಯೆ 46,012 ತಲುಪಿದೆ. 12,460 ಸಕ್ರಿಯ ಪ್ರಕರಣಗಳಿವೆ. ಇಂದು ಎಲ್ಲಿ, ಎಷ್ಟು ಕೇಸ್?

ಬಳ್ಳಾರಿ - 480, ಸಂಡೂರು - 246, ಸಿರುಗುಪ್ಪ - 96, ಹೊಸಪೇಟೆ - 172, ಹೆಚ್.ಬಿ.ಹಳ್ಳಿ - 57, ಕೂಡ್ಲಿಗಿ - 74, ಹರಪನಹಳ್ಳಿ - 82, ಹಡಗಲಿ- 77 ಜನರಿಗೆ ಕೊರೊನಾ ಕಾಣಿಸಿಕೊಂಡಿದೆ.

ರಾಜ್ಯಾದ್ಯಂತ ಕೊರೊನಾ ಸಂಖ್ಯೆ ಹೆಚ್ಚಳವಾಗುತ್ತಿರುವ ಹಿನ್ನೆಲೆ ರಾಜ್ಯ ಸರ್ಕಾರ ಸೋಮವಾರದಿಂದ ಲಾಕ್​ಡೌನ್ ಘೋಷಿಸಿದೆ.