ಕೊರೊನಾ ಲಾಕ್​ಡೌನ್​ ನಡುವೆಯೂ ಮದುವೆ: ನಾಲ್ಕೇ ನಿಮಿಷದಲ್ಲಿ ಮುಗೀತು ಎಮರ್ಜೆನ್ಸಿ ಪ್ರೇಮ ವಿವಾಹ!

ಕೊರೊನಾ ಎಮರ್ಜೆನ್ಸಿ ವೇಳೆ ಅತ್ಯಂತ ತುರ್ತಾಗಿ ಕೆಲವೇ ನಿಮಿಷಗಳಲ್ಲಿ ಸರಳ ರೀತಿಯಲ್ಲಿ ಎರಡೂ ಕುಟುಂಬಗಳ ಸದಸ್ಯರ ಹಾಗೂ ಗ್ರಾಮಸ್ಥರ ಉಪಸ್ಥಿತಿಯಲ್ಲಿ ಪ್ರೇಮ ವಿವಾಹವೊಂದು ನೆರವೇರಿದೆ.

ಬಳ್ಳಾರಿ: ಕೊರೊನಾ ವೈರಸ್ ಎಫೆಕ್ಟ್ ಎಮರ್ಜೆನ್ಸಿ ನಡುವೆಯೂ ಜಿಲ್ಲೆಯ ಕೂಡ್ಲಿಗಿ ತಾಲೂಕಿನ ಸಿದ್ಧಾಪುರ ಗ್ರಾಮದ ಮಲಿಯಮ್ಮ ದೇವಿ ಸನ್ನಿಧಾನದಲ್ಲಿ ಇಂದು ಎಮರ್ಜೆನ್ಸಿ ಪ್ರೇಮವಿವಾಹ ಜರುಗಿದೆ. ಕೇವಲ ನಾಲ್ಕೇ ನಿಮಿಷದಲ್ಲಿ ಈ ಮದುವೆ ಕಾರ್ಯ ಮಾಡುವ ಮೂಲಕ ಹೊಸ ದಾಖಲೆ ಬರೆದಂತಾಗಿದೆ.

ಸಿದ್ಧಾಪುರ ಗ್ರಾಮದ ರೊಹಿಣಿ(20) ಮತ್ತು ಮಧು(25) ಕೊರೊನಾ ಲಾಕ್​ಡೌನ್​ ಸಂದರ್ಭದಲ್ಲಿ ಮದುವೆಯಾದ ಜೋಡಿ. ಇವರಿಬ್ಬರೂ ಸಿದ್ಧಾಪುರ ಗ್ರಾಮದ ಒಂದೇ ಸಮುದಾಯಕ್ಕೆ ಸೇರಿದವರು. ಬಹಳ ವರ್ಷಗಳಿಂದ ಪರಸ್ಪರ ಪ್ರೀತಿಸುತ್ತಿದ್ದರು. ಎರಡೂ ಕುಟುಂಬಗಳ ಸದಸ್ಯರೊಡಗೂಡಿ ಅತ್ಯಂತ ಸರಳ ರೀತಿಯಲ್ಲಿ ಎಮರ್ಜೆನ್ಸಿ ಮದುವೆ ನೆರವೇರಿಸಿದ್ದಾರೆ.‌

ಕೆಲವೇ ನಿಮಿಷಗಳಲ್ಲಿ ಜರುಗಿದ ಪ್ರೇಮ ವಿವಾಹ:

ಕೊರೊನಾ ಎಮರ್ಜೆನ್ಸಿ ವೇಳೆ ಅತ್ಯಂತ ತುರ್ತಾಗಿ ಕೆಲವೇ ನಿಮಿಷಗಳಲ್ಲಿ ಈ ಸರಳವಾಗಿ ಎರಡೂ ಕುಟುಂಬಗಳ ಸದಸ್ಯರ ಹಾಗೂ ಗ್ರಾಮಸ್ಥರ ಉಪಸ್ಥಿತಿಯಲ್ಲಿ ಮಲಿಯಮ್ಮ ದೇವಿಯ ಸನ್ನಿಧಾನದಲ್ಲಿ ವರನಿಂದ ವಧುವಿಗೆ ಮಾಂಗಲ್ಯ ಕಟ್ಟಿಸುವ ಮೂಲಕ ಜೋಡಿಹಕ್ಕಿಗಳನ್ನು ಒಂದುಗೂಡಿಸಲಾಗಿದೆ.