ರಾಂಗ್ ರನ್ ವೇನಲ್ಲಿ ಲ್ಯಾಂಡ್​ ಆದ ಸ್ಪೈಸ್ ಜೆಟ್​ ವಿಮಾನ, ತಪ್ಪಿದ ದುರಂತ

ಹೈದರಾಬಾದ್-ಬೆಳಗಾವಿ ಮಾರ್ಗಮಧ್ಯೆ ಸಂಚರಿಸುವ ಸ್ಪೈಸ್ ಜೆಟ್ ವಿಮಾನ ಬೆಳಗಾವಿಯ ಸಾಂಬ್ರಾ ವಿಮಾನ ನಿಲ್ದಾಣದಲ್ಲಿ ರಾಂಗ್ ರನ್ ವೇನಲ್ಲಿ ಲ್ಯಾಂಡ್‌ ಆಗಿದೆ.

ಬೆಳಗಾವಿ: ಹೈದರಾಬಾದ್-ಬೆಳಗಾವಿ ಮಾರ್ಗ ಮಧ್ಯೆ ಸಂಚರಿಸುವ ಸ್ಪೈಸ್ ಜೆಟ್ ವಿಮಾನ ಇಲ್ಲಿನ ಸಾಂಬ್ರಾ ವಿಮಾನ ನಿಲ್ದಾಣದಲ್ಲಿ ರಾಂಗ್ ರನ್ ವೇನಲ್ಲಿ ಲ್ಯಾಂಡ್‌ ಆದ ಘಟನೆ ನಿನ್ನೆ (ಭಾನುವಾರ) ನಡೆದಿದೆ.

ಅದೃಷ್ಟವಶಾತ್ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ. ರಾಂಗ್ ರನ್​ವೇನಲ್ಲಿ ವಿಮಾನ ಲ್ಯಾಂಡ್ ಆದರೂ, ಪೈಲಟ್ ಹಾಗೂ ಪ್ರಯಾಣಿಕರು ಸುರಕ್ಷಿತವಾಗಿ ಹೊರಬಂದಿದ್ದಾರೆ. ಸಾಂಬ್ರಾ ವಿಮಾನ ನಿಲ್ದಾಣದ 26 ನೇ ರನ್ ವೇನಲ್ಲಿ ಲ್ಯಾಂಡ್ ಆಗಬೇಕಿದ್ದ ವಿಮಾನ 8ರ ರನ್ ವೇನಲ್ಲಿ ಲ್ಯಾಂಡ್‌ ಆಗಿದೆ. ರನ್ ವೇ 26 ರಲ್ಲಿ ಈ ಸಮಯದಲ್ಲಿ ಬೇರೆ ವಿಮಾನಗಳ ಲ್ಯಾಂಡ್​ ಇಲ್ಲದಿದ್ದಕ್ಕೆ ದುರಂತ ತಪ್ಪಿದೆ.

ಪ್ರಕರಣವನ್ನು ಏರ್​ಕ್ರಾಫ್ಟ್​ ಆಕ್ಸಿಡೆಂಟ್ ಇನ್ವೆಸ್ಟಿಗೇಶನ್ ಬ್ಯೂರೋ ಅಧಿಕಾರಿಗಳು ಗಂಭೀರವಾಗಿ ಪರಿಗಣಿಸಿದ್ದಾರೆ. ಅಲ್ಲದೇ, ಅಜಾಗರೂಕತೆ ತೋರಿದ ಪೈಲಟ್​​ಗಳನ್ನು ಭಾರತೀಯ ವಿಮಾನ ಅಪಘಾತ ತನಿಖಾದಳ ತನಿಖೆಗೆ ಒಳಪಡಿಸಿದೆ.