ಶಿವಮೊಗ್ಗ: ಕೆ.ಎಸ್.ಆರ್.ಟಿ.ಸಿ ಬಸ್ ನೌಕರರ ಪ್ರತಿಭಟನೆಯಿಂದ ಅವರ ಮಾರ್ಗಕ್ಕೆ ರಸ್ತೆಗಿಳಿದ ಖಾಸಗಿ ಬಸ್ಗಳು ಪ್ರಯಾಣಿಕರಿಂದ ದುಪ್ಪಟ್ಟು ದರ ವಸೂಲಿ ಮಾಡುತ್ತಿವೆ. ಖಾಸಗಿ ಬಸ್ನವರು ಹೆಚ್ಚಿನ ದರ ಪಡೆಯಬಾರದು ಎಂದು ಸರ್ಕಾರ ಆದೇಶ ಮಾಡಿದ್ದರೂ ಸಹ ಖಾಸಗಿ ಬಸ್ನವರು ಇದೇ ಚಾನ್ಸ್ ಎಂದು ದುಪ್ಪಟ್ಟ ಹಣ ವಸೂಲಿಗೆ ಇಳಿದಿದ್ದಾರೆ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ.
ತರೀಕೆರೆಯಿಂದ ಶಿವಮೊಗ್ಗಕ್ಕೆ 80 ರೂ.!
ತರೀಕೆರೆಯಿಂದ ಶಿವಮೊಗ್ಗಕ್ಕೆ ಸರ್ಕಾರಿ ಬಸ್ನಲ್ಲಿ 40 ರೂ. ಪ್ರಯಾಣ ದರವಿದೆ. ಆದರೆ ತರೀಕೆರೆಯಿಂದ ಶಿವಮೊಗ್ಗಕ್ಕೆ ಬರಲು ಬರೋಬ್ಬರಿ 80 ರೂ. ಪಡೆಯಲಾಗಿದೆ. ಈ ಬಗ್ಗೆ ಸ್ವತಃ ಹಣ ನೀಡಿದ ತರೀಕೆರೆಯ ನಿವಾಸಿ ಮೋಹನ್ ಲಾಲ್ ಎಂಬುವರು ಯಾಕಿಷ್ಟು ಹಣ ಪಡೆದುಕೊಂಡಿರಿ ಎಂದು ಪ್ರಶ್ನೆ ಮಾಡಿದ್ದಕ್ಕೆ ನಮ್ಮದು ಇಷ್ಟೇ ದರ ಎಂದು ಆವಾಜ್ ಹಾಕಿದ್ದಾರಂತೆ.
ಬಸ್ ಇಳಿಯುತ್ತಿದಂತಯೇ ವೃದ್ಧ ಮೋಹನ್ ಲಾಲ್ ಈ ಸಂಬಂಧ ದೂರು ನೀಡಲು ಹೋಗಿದ್ದಾರೆ. ಸಾರ್ವಜನಿಕರ ಅನುಕೂಲಕ್ಕೆ ಈ ಕುರಿತು ಕ್ರಮ ತೆಗೆದುಕೊಂಡು ತಪ್ಪಿತಸ್ಥರ ಬಗ್ಗೆ ಕ್ರಮ ತೆಗೆದುಕೊಳ್ಳಬೇಕೆಂದು ಆಗ್ರಹಿಸಿದ್ದಾರೆ.
