ಬಿಟ್ಟುಹೋಗುವ ನಾಯಕರಿಂದ ಗೋಕಾಕ್​ ಇನ್ನೂ ಅಭಿವೃದ್ಧಿ ಕಂಡಿಲ್ಲ: ಸತೀಶ್ ಜಾರಕಿಹೊಳಿ ವ್ಯಂಗ್ಯ

ಗೋಕಾಕ್ ರಾಜಕಾರಣ ಬದಲಾವಣೆ ಮಾಡಬೇಕಿದೆ, ಯಾಕಂದ್ರೆ ಶಾಸಕರು ನಮಗೆ ಸಿಗೋದೇ ಇಲ್ಲ.ಯಾವಾಗಲಾದ್ರೂ ನೋಡಿದ್ದೀರಾ? ಎಷ್ಟು ವಷ೯ಕ್ಕೊಮ್ಮೆ ಸಿಗ್ತಾರೆ ಎಂದು ಗೋಕಾಕ್ ಪ್ರಚಾರ ಸಭೆಯಲ್ಲಿ ರಮೇಶ ಜಾರಕಿಹೊಳಿ ವಿರುದ್ದ ಸತೀಶ ಜಾರಕಿಹೊಳಿ ವ್ಯಂಗ್ಯವಾಡಿದ್ದಾರೆ.

ಗೋಕಾಕ್: ಗೋಕಾಕ್ ರಾಜಕಾರಣ ಬದಲಾವಣೆ ಮಾಡಬೇಕಿದ್ದು, ಶಾಸಕರು ನಮಗೆ ಸಿಗೋದೇ ಇಲ್ಲ. ಯಾವಾಗಲಾದ್ರೂ ನೋಡಿದ್ದೀರಾ? ಎಷ್ಟು ವಷ೯ಕ್ಕೊಮ್ಮೆ ಸಿಗ್ತಾರೆ ಎಂದು ಗೋಕಾಕ್ ಪ್ರಚಾರ ಸಭೆಯಲ್ಲಿ ರಮೇಶ ಜಾರಕಿಹೊಳಿ ವಿರುದ್ದ ಸತೀಶ ಜಾರಕಿಹೊಳಿ ವ್ಯಂಗ್ಯವಾಡಿದರು.

ಕಾಂಗ್ರೆಸ್ ಅಭ್ಯರ್ಥಿ ಲಖನ್ ಜಾರಕಿಹೊಳಿ ಪರ ಪ್ರಚಾರ ಸಂದರ್ಭದಲ್ಲಿ ಮಾತನಾಡಿದ ಅವರು, ಬೆಳಗಾವಿಯಷ್ಟೇ ಗೋಕಾಕ್ ಕೂಡಾ ಬೆಳೆಯಬೇಕಿತ್ತು. ಯಾಕೆ ಬೆಳೆದಿಲ್ಲ ಅಂದ್ರೆ ಇಲ್ಲಿನ ನಗರಸಭೆ ಸದಸ್ಯರು ಅಲ್ಲಲ್ಲಿ ಬಿಟ್ಟು ಹೋಗಿದ್ದಾರೆ. ಅಂತವರಿಂದ ಇವತ್ತು ಗೋಕಾಕ್ ಬೆಳೆದಿಲ್ಲ. ಹೀಗಾಗಿ ಈ ಬಾರಿ ಅಭಿವೃದ್ಧಿ ಪರ ಇರುವ ಶಾಸಕರನ್ನ ಆಯ್ಕೆ ಮಾಡಿ ಗೋಕಾಕ್ ಅಭಿವೃದ್ಧಿಪಡಿಸಿ ಎಂದರು.

5 ವಷ೯ಕ್ಕೊಮ್ಮೆ ಶಾಸಕರು ಬತಿ೯ದ್ರು, ಈ ಬಾರಿ ಅದಕ್ಕೂ ಬರೋದಿಲ್ಲ. ಗೋಕಾಕ್ ಬಹಳಷ್ಟು ಅಭಿವೃದ್ಧಿ ಆಗಬೇಕು.ಹಾಗಾಗಿ ಲಖನ್ ಗೆ ಮತ ನೀಡುವ ಮೂಲಕ ಅವರನ್ನು ಗೆಲ್ಲಿಸಿ ಎಂದು ಮನವಿ ಮಾಡಿದರು.