ಚಿಕ್ಕೋಡಿ: ಬೈಕ್ಗಳು ಮುಖಾಮುಖಿ ಡಿಕ್ಕಿಯಾಗಿ ಓರ್ವ ಸಾವನಪ್ಪಿರುವ ಘಟನೆ ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಬೆಡಕಿಹಾಳ ಮಾರ್ಗದ ಬೊರಗಾಂವ ಪಟ್ಟಣದ ತೆಲಸಂಗ ಪೆಟ್ರೋಲ ಬಂಕ್ ಬಳಿ ನಡೆದಿದೆ.
ಬೊರಗಾಂವ ಪಟ್ಟಣದ ಮೌಲಾ ಗುಲಾಬ ಗಳತಗೆ (58) ಮೃತ. ಘಟನೆಯಲ್ಲಿ ಚಂದುರಟೆಕ ಗ್ರಾಮದ ಸುಧೀರ ಪಾಟೀಲ ಎಂಬ ಯುವಕ ಗಂಭೀರ ಗಾಯಗೊಂಡಿದ್ದಾನೆ. ಮೌಲಾ ಎಂಬುವವರು ಬೆಳಗ್ಗೆ ತಮ್ಮ ದ್ವಿಚಕ್ರ ವಾಹನದಲ್ಲಿ ಪೆಟ್ರೋಲ್ ಹಾಕಿಸಲು ಬಂಕ್ಗೆ ಹೊರಟಿದ್ದರು. ಇದೇ ವೇಳೆಯಲ್ಲಿ ಬೆಡಕಿಹಾಳನಿಂದ ಇಚಲಕರಂಜಿಗೆ ಹೋಗುತ್ತಿದ್ದ ಸುಧೀರ್, ವೇಗದಿಂದ ಬಂದು ಮೌಲಾ ಅವರ ಬೈಕ್ಗೆ ಡಿಕ್ಕಿ ಹೊಡೆದಿದ್ದಾನೆ. ಅಪಘಾತ ಕಂಡ ಸ್ಥಳಿಯರು ಅಂಬುಲನ್ಸ್ಗೆ ಮಾಹಿತಿ ನೀಡಿದ್ದಾರೆ. ಆಸ್ಪತ್ರೆಗೆ ಕರೆದುಕೊಂಡು ಹೋಗುವಾಗ ಮಾರ್ಗ ಮಧ್ಯದಲ್ಲೇ ಮೌಲಾ ಮೃತಪಟ್ಟಿದ್ದಾರೆ. ಗಂಭೀರ ಗಾಯಗೊಂಡ ಸುಧೀರ್ನನ್ನ ಚಿಕಿತ್ಸೆಗಾಗಿ ಬೆಳಗಾವಿಯ ಸರ್ಕಾರಿ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ.
ಅಪಘಾತ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಸದಲಗಾ ಪೋಲಿಸ್ ಠಾಣಾ ಉಪ ನೀರಿಕ್ಷಕ ಆರ್.ವಾಯ್ ಬಿಳಗೆ ಸ್ಥಳಕ್ಕೆ ಆಗಮಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
