ಬೆಂಗಳೂರು: ಪ್ರತಿಯೊಂದಕ್ಕೂ ಆ್ಯಪ್ ಇರುವ ಈ ಕಾಲದಲ್ಲಿ ನಗರದಲ್ಲಿ 10 ವರ್ಷದ ಬಾಲಕನೊಬ್ಬ ವಕೀಲರು ತಮ್ಮ ಪ್ರಕರಣಗಳನ್ನು ಒಂದೆಡೆ ಸಂಗ್ರಹಿಸಿಕೊಳ್ಳಲೆಂದು “ಇ-ಅಟಾರ್ನಿ” ಎಂಬ ವಿಶೇಷ ಆ್ಯಪ್ ಅಭಿವೃದ್ಧಿ ಪಡಿಸಿದ್ದಾನೆ.
ಆರ್. ಕಾನಿಷ್ಕರ್ ಎಂಬ ಕೇವಲ 10 ವರ್ಷದ ಯುವಕ ಈ ಆ್ಯಪ್ನನ್ನು ಸಿದ್ಧಪಡಿಸಿ, ಇಡೀ ವಿಶ್ವದ ಗಮನ ಸೆಳೆದಿದ್ದಾನೆ. ತನ್ನ ತಂದೆ ವಕೀಲ ವೃತ್ತಿ ಮಾಡುತ್ತಿದ್ದು, ಕೇಸ್ ವಾದಿಸಲು ಅವರ ತಂದೆ ದಾಖಲೆಗಳನ್ನು ಸಂಗ್ರಹಿಸುವಲ್ಲಿ ಪಡುತ್ತಿದ್ದ ಕಷ್ಟವನ್ನು ಅರಿತ ಈ ಬಾಲಕ, ತಂದೆಗೆ ಅನುಕೂಲ ಮಾಡಿಕೊಡಲು ಈ ಆ್ಯಪ್ ಸಿದ್ಧ ಪಡಿಸಿದ್ದಾನೆ. ಇದೀಗ ಈ ಆ್ಯಪ್ ವಿಶ್ವದಾದ್ಯಂತ ಎಲ್ಲಾ ವಕೀಲರಿಗೂ ಹೆಚ್ಚು ಉಪಯುಕ್ತವಾಗಲಿದೆ ಎನ್ನಲಾಗುತ್ತಿದೆ.
ಈಗಾಗಲೇ ಕೋಡಿಂಗ್ ಕಲಿಯುವಲ್ಲಿ ಬಾಲಕ ನಿರತನಾಗಿದ್ದಾನೆ. ವೈಟ್‌ಹ್ಯಾಟ್ ಜೂನಿಯರ್ ಪಠ್ಯಕ್ರಮದಲ್ಲಿ ಕೋಡಿಂಗ್ ಪ್ರಾಜೆಕ್ಟ್ಗಾಗಿ ಈ ಆ್ಯಪ್ ನಿರ್ಮಾಣ ಮಾಡುವ ಆಸಕ್ತಿ ತೋರಿದ್ದಾನೆ. ಮೊದ ಮೊದಲು ಇದು ಸಣ್ಣ ಆ್ಯಪ್ ಆಗಿತ್ತು. ಆದರೆ, ಇದರ ಪ್ರಾಮುಖ್ಯತೆ ಅರಿತ ವೈಟ್‌ಹ್ಯಾಟ್ ಜೂನಿಯರ್ ಸಂಸ್ಥೆ ದೊಡ್ಡ ಮಟ್ಟದಲ್ಲಿ ಆ್ಯಪ್ ಅಭಿವೃದ್ಧಿ ಪಡಿಸಲು ಬೆಂಬಲ ನೀಡಿದೆ.
ಇದನ್ನೂ ಓದಿ: ಜನ ಹುಚ್ಚ ಅಂತಾ ಹಿಯಾಳಿಸಿದರೂ ಹಿಂಜರಿಯದ ಭೂಪ: ಧಾರವಾಡದ ಕೃಷಿ ಯಂತ್ರ ಸಾಧಕನಿಗೆ 'ಪದ್ಮಶ್ರೀ' ಗರಿ
ವಕೀಲರು ಕಕ್ಷಿದಾರರಿಗೆ ಮಾಹಿತಿ: ಈ ಆ್ಯಪ್ನಲ್ಲಿ ವಕೀಲರು ತಮ್ಮ ಕಕ್ಷಿದಾರರಿಗೆ ಸಂಬಂಧಿಸಿದ ಎಲ್ಲ ಬಗೆಯ ದಾಖಲೆಗಳು, ಮತ್ತಿತರ ಪ್ರಕರಣಗಳ ಮಾಹಿತಿ ಎಲ್ಲವನ್ನೂ ಸಂಗ್ರಹಿಸಲು ಅವಕಾಶವಿದೆ. ಇದರಿಂದ ಹಿಂದೆಂದೋ ನಡೆದ ಪ್ರಕರಣಗಳ ಮಾಹಿತಿಯನ್ನು ಈ ಆ್ಯಪ್ನಲ್ಲಿಯೇ ಸುಲಭವಾಗಿ ಅಧ್ಯಯನ ಮಾಡಬಹುದು. ಅಷ್ಟೇ ಅಲ್ಲದೆ, ಕಕ್ಷಿದಾರರು ಸಹ ತಮಗೆ ಸಂಬಂಧಿಸಿದ ಅಥವಾ ಕೋರ್ಟ್‌ನಲ್ಲಿರುವ ಇತರ ಪ್ರಕರಣಗಳ ಮಾಹಿತಿಯನ್ನೂ ಸಂಬಂಧಿಸಿದ ವಕೀಲರ ಅನುಮತಿ ಮೇರೆಗೆ ಪಡೆಯಬಹುದು. ಜೊತೆಗೆ ಕಕ್ಷಿದಾರರು ಹಾಗೂ ವಕೀಲರ ಪ್ರೈವೇಟ್ ಚಾಟ್‌ಗೂ ಇದರಲ್ಲಿ ಅವಕಾಶವಿದೆ.
ತಂದೆಗಾಗಿ ಆ್ಯಪ್: ಈ ಕುರಿತು ಮಾತನಾಡಿರುವ ಕಾನಿಷ್ಕರ್, ನನ್ನ ತಂದೆ ವಕೀಲರಾಗಿದ್ದು, ಪ್ರತಿ ದಿನ ಕೆಲಸದ ಒತ್ತಡದಿಂದ ಮನೆಗೆ ತಡವಾಗಿ ಬರುತ್ತಿದ್ದರು. ಅಲ್ಲದೆ, ಅವರು ಪ್ರಕರಣಗಳಿಗೆ ಸಂಬಂಧಿಸಿದ ಮಾಹಿತಿಗಾಗಿ ಎಲ್ಲೆಡೆ ಅಧ್ಯಯನ ನಡೆಸಲು, ಮಾಹಿತಿ ಸಂಗ್ರಹಿಸಿ ಅದನ್ನು ಫೈಲ್ ಮಾಡಲು ಬಹಳ ಸಮಯ ತೆಗೆದುಕೊಳ್ಳುತ್ತಿದ್ದರು. ಹೀಗಾಗಿ ನಾನು ಎಲ್ಲಾ ವಕೀಲರಿಗೆ ಅನುಕೂಲವಾಗುವಂತೆ ಈ ಆಪ್ ಅಭಿವೃದ್ಧಿ ಪಡಿಸಿದ್ದೇನೆ ಎಂದಿದ್ದಾರೆ.
ಜಾಹೀರಾತು : ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ
ಆ್ಯಪ್ ಗೌಪ್ಯತೆ: ಈ ಆ್ಯಪ್ ಗೌಪ್ಯತೆಯಿಂದ ಕೂಡಿದೆ. ಅನಾವಶ್ಯಕವಾಗಿ ಮತ್ತೊಬ್ಬರ ಮಾಹಿತಿಯನ್ನು ಸೋರಿಕೆ ಮಾಡಲು ಸಾಧ್ಯವೇ ಇಲ್ಲ. ಶಾಲೆಯಲ್ಲಿ ನಿರ್ಮಿಸಿದ ಈ ಆ್ಯಪ್ನನ್ನು ದೊಡ್ಡಮಟ್ಟದಲ್ಲಿ ನಿರ್ಮಿಸಲು ನನಗೆ ಶಿಷ್ಯ ವೇತನ ದೊರೆಯಿತು. ಆನ್‌ಲೈನ್ ಸೊಲ್ಯೂಷನ್ ಎಂಬ ಕಂಪನಿಯ ಸಹಾಯದೊಂದಿಗೆ ಇನ್ನಷ್ಟು ತಂತ್ರಜ್ಞಾನವನ್ನು ಅಳವಡಿಸಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.
