ಬೆಂಗಳೂರು : ರಾಜ್ಯದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದೆ. ಹೀಗಾಗಿ ಕೊರೊನಾ ಸೋಂಕು ಪರೀಕ್ಷೆಗಾಗಿ ಬೆಂಗಳೂರಿನಲ್ಲಿ ಇನ್ನೆರೆಡು ಖಾಸಗಿ ಲ್ಯಾಬ್ಗಳು ಶುರುವಾಗಿವೆ.
ಶಿವಾಜಿನಗರದ ನ್ಯೂಬರ್ಗ್ ಆನಂದ್ ಲ್ಯಾಬ್ ಮತ್ತು ಬಸವನಗುಡಿಯ ಕ್ಯಾನ್ಸೈಟ್ ಟೆಕ್ನಾಲಜೀಸ್ಗಳಿಗೆ ಐಸಿಎಂಆರ್‌ನಿಂದ ಪರವಾನಗಿ ಸಿಕ್ಕಿದೆ. ಈ ಖಾಸಗಿ ಪ್ರಯೋಗಾಲಯಗಳಲ್ಲಿ ಪರೀಕ್ಷೆ ಮಾಡಿಸಿಕೊಳ್ಳುವವರು ಅದಕ್ಕೆ ಹಣ ತೆರಬೇಕು. ಮೊದಲ ಹಂತದ ಪರೀಕ್ಷೆಗೆ ₹3000, ಮರುದೃಢೀಕರಣ ಪರೀಕ್ಷೆಗೆ 1,500 ರೂ. ನಿಗದಪಡಿಸಲಾಗಿದೆ. ಈ ದರವನ್ನು ಐಸಿಎಂಆರ್ ನಿಗದಿ ಮಾಡಿದ್ದು, ಒಟ್ಟಾರೆ ಪರೀಕ್ಷಾ ವೆಚ್ಚ ₹4,500 ಮೀರುವಂತಿಲ್ಲ ಎಂದು ತಿಳಿಸಿದೆ.
ಇದರ ಜೊತೆಗೆ ಸರ್ಕಾರಿ ಲ್ಯಾಬ್ಗಳು ಕೂಡಾ ಎಂದಿನಂತೆ ಪರೀಕ್ಷೆ ನಡೆಸುತ್ತಿವೆ. ಖಾಸಗಿ ಪ್ರಯೋಗಾಲಯಗಳಲ್ಲೂ ಜನ ತೆರಳಿದರೆ ಹೆಚ್ಚು ಜನರಿಗೆ ಪರೀಕ್ಷೆ ಮಾಡಲು ಸಾಧ್ಯವಾಗುತ್ತದೆ ಎಂಬ ನಿಟ್ಟಿನಲ್ಲಿ ರಾಜ್ಯ ಸರ್ಕಾರ ಐಸಿಎಂಆರ್ ಈ ಕ್ರಮಕೈಗೊಂಡಿದೆ. ಈ ಮೂಲಕ ರಾಜ್ಯದಲ್ಲಿ ಒಟ್ಟು 8 ಲ್ಯಾಬ್‌ಗಳಲ್ಲಿ ಕೊರೊನಾ ಪರೀಕ್ಷೆ ನಡೆಸಲಾಗುತ್ತಿದೆ.
