ಬೆಂಗಳೂರು: ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಕರೆದಿದ್ದ ಭೋಜನ ಕೂಟಕ್ಕೆ ಆಗಮಿಸಿದ್ದ ಸಚಿವರಿಗೆ ಟ್ರಾಫಿಕ್ ಬಿಸಿ ತಟ್ಟಿದ್ದು, ಕಾರು ಇಳಿದು ಕಾಲ್ನಡಿಗೆಯಲ್ಲೇ ಕಾವೇರಿಗೆ ಆಗಮಿಸಿದರು.
ಓದಿ: ರಾಜ್ಯದಲ್ಲಿಂದು 395 ಮಂದಿಗೆ ಕೋವಿಡ್ ಪಾಸಿಟಿವ್: ಮೂವರು ಸೋಂಕಿಗೆ ಬಲಿ
ಕೇಂದ್ರ ಸಚಿವ ರಾಜನಾಥ್ ಸಿಂಗ್ ಅವರಿಗೆ ಝೀರೋ ಟ್ರಾಫಿಕ್ ಇದ್ದ ಹಿನ್ನೆಲೆ ಕುಮಾರ ಪಾರ್ಕ್ನಲ್ಲಿ ಸಂಚಾರ ವ್ಯವಸ್ಥೆಯಲ್ಲಿ ಕೆಲಕಾಲ ವ್ಯತ್ಯಯವಾಯಿತು. ಸಿಎಂ ನಿವಾಸಕ್ಕೆ ಶಾಸಕರ ದಂಡು ಆಗಮಿಸಿದ್ದ ವೇಳೆಯಲ್ಲೇ ರಾಜನಾಥ್ ಸಿಂಗ್ ಅವರ ಕಾನ್ವಾಯ್ ಹೋದ ಕಾರಣ ಕೆಲಕಾಲ ಸಿಎಂ ನಿವಾಸದ ಸುತ್ತಮುತ್ತ ಉಂಟಾದ ಟ್ರಾಫಿಕ್ ಜಾಮ್ ಬಿಸಿ ಸಚಿವರಿಗೂ ತಟ್ಟಿತು.
ಟ್ರಾಫಿಕ್ ಜಾಮ್ನಿಂದಾಗಿ ಕೆಲ ಶಾಸಕರು ಹಾಗೂ ಸಚಿವ ಸಿ.ಪಿ.ಯೋಗೇಶ್ವರ್, ಸಚಿವ ಆರ್.ಅಶೋಕ್ ಕೂಡ ಕಾರು ಇಳಿದು ನಡೆದುಕೊಂಡು ಸಿಎಂ ನಿವಾಸಕ್ಕೆ ತೆರಳಿದರು.
