ಬೆಂಗಳೂರು: ನಗರದಲ್ಲಿ ಕೊರೊನಾ ಅಬ್ಬರಕ್ಕೆ ಬ್ರೇಕ್ ಹಾಕಲು ಒಂದು ವಾರ ಕಾಲ ಲಾಕ್ ಡೌನ್ ಜಾರಿಗೊಳಿಸಲಾಗಿತ್ತು. ಇದೀಗ ಬೆಂಗಳೂರು ಅನ್ ಲಾಕ್ ಆಗಿದ್ದು ಎಂದಿನಂತೆ ಸಾರಿಗೆ ಸೇವೆ ಲಭ್ಯವಿದೆ.
ಬಿಎಂಟಿಸಿ ಬಸ್ಗಳು ಖಾಲಿ ಖಾಲಿ
ಬಸ್ಗಳ ಓಡಾಟವಿದ್ದರೂ ಬಸ್ ನಿಲ್ದಾಣದಲ್ಲಿ ಜನರೇ ಇಲ್ಲ. ಬಸ್ ಬಂದರೂ ನಗರದಲ್ಲಿ ಬಸ್ ಹತ್ತುವರೇ ಇಲ್ಲದಂತಾಗಿದೆ. ನಗರದ ಮೆಜೆಸ್ಟಿಕ್ ಬಿಎಂಟಿಸಿ ಹಾಗೂ ಕೆಎಸ್ಆರ್ಟಿಸಿ ಬಸ್ ನಿಲ್ದಾಣಗಳು ಜನರಿಲ್ಲದೆ ಖಾಲಿ ಖಾಲಿಯಾಗಿ ಸಂಚರಿಸುತ್ತಿವೆ.
ಬೆಳಗ್ಗೆ 6 ರಿಂದ ಬಿಎಂಟಿಸಿ ಸೇವೆ ಆರಂಭವಾಗಿದ್ದು, ರಾತ್ರಿ 8 ರ ವರೆಗೆ ಇಂದಿನಿಂದ 1500 ಬಸ್ಗಳು ವಿವಿಧ ಭಾಗಗಳಿಗೆ ಸಂಚರಿಸಲಿವೆ. ಇತ್ತ ಒಂದು ವಾರದಿಂದ ಬೆಂಗಳೂರಿನಿಂದ ಕೆ ಎಸ್ ಆರ್ ಟಿಸಿ ಬಸ್ ಸೇವೆ ಸ್ಥಗಿತವಾಗಿತ್ತು. ಇದೀಗ ರಾಜ್ಯದ ವಿವಿಧ ಭಾಗಗಳಿಗೆ ಬಸ್ಗಳ ಸಂಚಾರ ಆರಂಭವಾಗಿದೆ.
ನಮ್ಮ ಮೆಟ್ರೋ ಸೇವೆಗೆ ನಿರ್ಬಂಧ ಮುಂದುವರೆದಿದ್ದು, ಮೆಟ್ರೋ ಸಂಚಾರಕ್ಕೆ ಗ್ರೀನ್ ಸಿಗ್ನಲ್ ಸಿಕ್ಕಿಲ್ಲ. ಕಳೆದ ನಾಲ್ಕು ತಿಂಗಳಿನಿಂದ ಹಳಿಗೆ ಇಳಿಯದೇ ಸಂಪೂರ್ಣ ಸಂಚಾರ ಸ್ತಬ್ಧವಾಗಿದೆ.
