ಬೆಂಗಳೂರು : ನಗರದಲ್ಲಿ ಸಹೋದರರಿಬ್ಬರು ಅನುಮಾನಸ್ಪಾದವಾಗಿ ಸಾವನ್ನಪ್ಪಿರುವ ಘಟನೆ ಇಂದಿರಾ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.
ಇಂದಿರಾ ನಗರದ ಲಕ್ಷ್ಮೀಪುರ ನಿವಾಸಿ ಮುರುಗೇಶ್ ಮತ್ತು ಸಹೋದರ ರಾಜೇಶ್ ಮೃತರು. ಇಬ್ಬರೂ ಗ್ಯಾಸ್ ಏಜೆನ್ಸಿಯಲ್ಲಿ ಕೆಲಸ ಮಾಡುತ್ತಿದ್ದರು. ಲಕ್ಷ್ಮೀಪುರ ಸ್ಮಶಾನ ಬಳಿ ಇಬ್ಬರ ಶವಗಳು ಪತ್ತೆಯಾಗಿದ್ದು ಕೊಲೆ ಶಂಕೆ ವ್ಯಕ್ತವಾಗಿದೆ.
ಇನ್ನೂ ಹಲಸೂರು ಬಳಿಯ ಗಾಂಜಾ ಸೇವನೆ ಮಾಡುವ ಪುಡಾರಿಗಳು ಮೃತರಿಗೆ ಟಾರ್ಚರ್ ನೀಡುತ್ತಿದ್ದರು, ಈ ಹಿನ್ನೆಲೆ ನಿನ್ನೆ ಇಬ್ಬರ ಮೇಲೆ ಹಲ್ಲೆ ನಡೆಸಿ ವಿಷ ಕುಡಿಸಿ ಕೊಲೆ ಮಾಡಿದ್ದಾರೆ ಎಂದು ಮೃತರ ಕುಟುಂಬಸ್ಥರು ಆರೋಪಿಸಿದ್ದಾರೆ. ಸದ್ಯ ಪ್ರಕರಣ ದಾಖಲಿಸಿಕೊಂಡಿರುವ ಇಂದಿರಾನಗರ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗಾಗಿ ಬೌರಿಂಗ್ ಮೃತದೇಹ ರವಾನಿಸಲಾಗಿದೆ.