ಬೆಂಗಳೂರು: ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ಅಂಗವಾಗಿ ಬನ್ನೇರುಘಟ್ಟ ರಸ್ತೆಯ ಟಿ-ಜಾನ್ ಕಾಲೇಜಿನ ಎನ್ಎಸ್ಎಸ್ ಕ್ಯಾಂಪ್ನ ನೂರಾರು ವಿದ್ಯಾರ್ಥಿನಿಯರು ಕ್ಯಾನ್ಸರ್ ಪೀಡಿತರಿಗೆ ಉಚಿತವಾಗಿ ವಿಗ್ ತಯಾರಿ ಕೊಡುವ ಸಲುವಾಗಿ ತಮ್ಮ ಕೇಶ ದಾನ ಮಾಡಿದ್ದಾರೆ.
ಎಸ್ ಹೇರ್ ಎನ್ನುವ ಶೀರ್ಷಿಕೆಯಡಿ ಶಿ ಬ್ಯೂಟಿಫುಲ್ ಎಂದು ವಿದ್ಯಾರ್ಥಿನಿಯರು ತಮ್ಮ ತಲೆಯ ಮುಡಿಯನ್ನು ದಾನವಾಗಿ ನೀಡಿ ಇತರೆ ಮಹಿಳೆಯರಿಗೆ ಮಾದರಿಯಾಗಿದ್ದಾರೆ.
ಕ್ಯಾನ್ಸರ್ ಪೀಡಿತ ರೋಗಿಗಳಿಗಾಗಿ ತಮ್ಮ ತಲೆ ಕೂದಲು ದಾನ ಮಾಡಿದ ವಿದ್ಯಾರ್ಥಿನಿಯರು
ಕೂದಲು ಕೊಡೋದು ಅಂದ್ರೆ ನುಣ್ಣಗೆ ತಲೆ ಬೋಡ ಮಾಡಿ ನೀಡೋದಲ್ಲ. ತಲೆ ಹಿಂದಿನ ಒಂದಿಷ್ಟು ಕೂದಲು ನೀಡೋದು ಅಂತ ವಿದ್ಯಾರ್ಥಿನಿಯರು ತೋರಿಸಿಕೊಟ್ಟಿದ್ದಾರೆ. ಕ್ಯಾನ್ಸರ್ ಚಿಕಿತ್ಸೆ ವೇಳೆ ಕೀಮೋಥೆರಪಿಯಿಂದ ಕೂದಲು ಕಳೆದುಕೊಂಡು ಕೀಳರಿಮೆಯಿಂದ ನರಳುವವರಿಗೆ ವಿಗ್ ತಯಾರಿಸಿ ಉಚಿತವಾಗಿ ನೀಡುವ ಗ್ರೀನ್ ಟ್ರಂಡ್ಸ್ ಸಂಸ್ಥೆಗೆ ತಮ್ಮ ಕೇಶವನ್ನು ನೀಡಿದ್ದಾರೆ.
