ಬೆಂಗಳೂರು: ಡ್ರಗ್ಸ್ ನಂಟು ಆರೋಪದಲ್ಲಿ ಸಿಕ್ಕಿ‌ಬಿದ್ದಿರುವ ನಟಿ ಸಂಜನಾರ ವಿಚಾರಣೆಯನ್ನು ಸಿಸಿಬಿ ಚುರುಕುಗೊಳಿಸಿದೆ. ನಟಿ ಸಂಜನಾ ಈ ಹಿಂದೆ ಟ್ರಾಫಿಕ್ ರೂಲ್ಸ್ನ್ನು ಬ್ರೇಕ್ ಮಾಡಿ ಸೆಲ್ಫಿ ವಿಡಿಯೋ ಮಾಡುತ್ತಾ ಕಾರು ಚಲಾಯಿಸಿದ್ದರು ಎನ್ನಲಾದ ವಿಡಿಯೋ ಈಗ ನಟಿಗೆ ಮುಳುವಾಗಿದೆ.
ಸಂಜನಾ ಒಂದು ಕೈಯಲ್ಲಿ ಡ್ರೈವ್ ಮಾಡುತ್ತಾ, ಇನ್ನೊಂದು ಕೈಯಲ್ಲಿ ಸೆಲ್ಫಿ ವಿಡಿಯೋ ಮಾಡುತ್ತಿರುವ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಅಷ್ಟೇ ಅಲ್ಲದೆ, ಆಕೆಯ ಕಾರಿನಲ್ಲಿ ಸದ್ಯ ಪ್ರಕರಣದ ಎ13 ಆರೋಪಿಯಾಗಿರುವ ನಿಯಾಸ್ ಅಹಮ್ಮದ್ ಸಹ ಇದ್ದ ಎಂದು ತಿಳಿದುಬಂದಿದೆ.
ಇದನ್ನು ಓದಿ: ವಿಸ್ಕಿ ಗಲಾಟೆ ನಂತರ ಮತ್ತೆ ವಿವಾದದಲ್ಲಿ ಸಂಜನಾ... ಕಾರು ಚಲಾಯಿಸುತ್ತಲೇ ಸೆಲ್ಫಿ ವಿಡಿಯೋ
ಈತ ಸದ್ಯ ಸಿಸಿಬಿ ಪೊಲೀಸರ ವಶದಲ್ಲಿದ್ದು, ಇವನ ಜೊತೆ ನಟಿ ಸಂಜನಾ ತಿರುಗಾಡುವ ದೃಶ್ಯ ಕೂಡ ಸದ್ಯ ಸಿಸಿಬಿಗೆ ಲಭ್ಯವಾಗಿದೆ. ನಟಿ ಸಂಜನಾ ಐಷಾರಾಮಿ ಜೀವನ ನಡೆಸುತ್ತಿದ್ದು, ಡ್ರಗ್ಸ್ ಪೆಡ್ಲರ್ಗಳ ಜೊತೆ ಪಾರ್ಟಿಗಳಲ್ಲಿ ಭಾಗಿಯಾಗುತ್ತಿದ್ದಳು ಎಂಬ ಮಾಹಿತಿ ಲಭ್ಯವಾಗಿದೆ. ಸದ್ಯ ಸಿಸಿಬಿ ಪೊಲೀಸರು ರಾಹುಲ್ ಹಾಗೂ A13 ನಿಯಾಸ್ ಪರಿಚಯದ ಬಗ್ಗೆ ಪ್ರಶ್ನಿಸಿದ್ದಾರೆ. ಕೇವಲ ಪರಿಚಯ ಅಷ್ಟೇ, ಅವರ ವ್ಯವಹಾರ ಗೊತ್ತಿಲ್ಲವೆಂಬ ಉತ್ತರವನ್ನು ಸಂಜನಾ ನೀಡಿದ್ದಾರೆ ಎಂದು ತಿಳಿದುಬಂದಿದೆ. ಆದರೆ ಸಂಜನಾ ಡ್ರಗ್ಸ್ ಪೆಡ್ಲರ್ಗಳ ಜೊತೆಗಿನ ಸಂಪರ್ಕದ ಬಗ್ಗೆ ಸಿಸಿಬಿ ಈಗಾಗಲೇ ಮಾಹಿತಿ ಕಲೆಹಾಕಿದೆ.
A13 ನಿಯಾಸ್ ಅಹಮ್ಮದ್ ರಿಯಾಲಿಟಿ ಶೋ ಒಂದರಲ್ಲಿ ಜಡ್ಜ್ ಆಗಿದ್ದನು. ಈತ ಪಾರ್ಟಿಗಳಲ್ಲಿ ಡ್ರಗ್ಸ್ ಪೆಡ್ಲರ್ ಆಗಿ ಕೆಲಸ ಮಾಡುತ್ತಿದ್ದ ಎಂದು ಹೇಳಲಾಗ್ತಿದೆ.
