ಪ್ರಶಾಂತ್ ಸಂಬರಗಿ ವಿರುದ್ಧ ಸಂಜನಾ ಸಿಡಿಮಿಡಿ... ನಟಿ ಹೇಳಿದ್ದೇನು ಗೊತ್ತಾ!?

ಪ್ರಶಾಂತ್ ಸಂಬರಗಿ 200 ರೂಪಾಯಿ ತೆಗೆದುಕೊಂಡು ಚೀಪ್ ಪಬ್ಲಿಸಿಟಿಗೆ ಬಂದಿದ್ದಾರೆ. ಸದ್ಯದ ಸೂಕ್ಷ್ಮ ಸಂದರ್ಭದಲ್ಲಿ ಬರೀ ನಟಿಯರ ಹೆಸರು ತೆಗೆದುಕೊಂಡು ಫಿಲ್ಮ್​ ಚೇಂಬರ್ ಹೆಸರು ತೆಗೆದು ಸದ್ಯ ಪಬ್ಲಿಸಿಟಿ ಮಾಡ್ತಿದ್ದಾರೆ. ಪ್ರಶಾಂತ್ ಸಂಬರಗಿಗೆ ನನ್ನ ಹೆಸರು ಹೇಳುವ ಯೋಗ್ಯತೆ ಇಲ್ಲ ಎಂದು ನಟಿ ಸಂಜನಾ ಗಲ್ರಾನಿ ಸಿಡಿಮಿಡಿಗೊಂಡಿದ್ದಾರೆ.

ಸ್ಯಾಂಡಲ್​ವುಡ್ ಡ್ರಗ್ಸ್​ ಮಾಫಿಯಾ ವಿಚಾರ ಸದ್ದು ಮಾಡ್ತಿರುವ ವೇಳೆ ಸಂಜನಾ ಗಲ್ರಾನಿ ಆಪ್ತ ರಾಹುಲ್​ನನ್ನು ಸಿಸಿಬಿ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಇದೇ ವೇಳೆ ಮಾಧ್ಯಮಕ್ಕೆ ಸ್ಪಷ್ಟನೆ ನೀಡಿರುವ ಸಂಜನಾ, ಮಾಧ್ಯಮದವರು ನಿರಂತರವಾಗಿ ಕರೆ ಮಾಡುತ್ತಿದ್ದಾರೆ. ಡ್ರಗ್ಸ್​ ಕೇಸ್ ಸಂಬಂಧ ಪ್ರತಿಕ್ರಿಯೆಗಾಗಿ ನಿರಂತರವಾಗಿ ಸಂಪರ್ಕಿಸುತ್ತಿದ್ದಾರೆ. ನಾನು ಈ ವಿಚಾರವಾಗಿ ಏನೂ ಮಾತನಾಡಲು ಸಾಧ್ಯವಿಲ್ಲ. ನಾನು ಏನೇ ಪ್ರತಿಕ್ರಿಯಿಸಿದರೂ ಅದು ಪಬ್ಲಿಸಿಟಿಯಾಗುತ್ತೆ. ಇದರ ವಿಚಾರವಾಗಿ ನಮಗೆ ಚೀಪ್ ಪಬ್ಲಿಸಿಟಿ ಬೇಡ. ನಾನು ಮಾಧ್ಯಮಕ್ಕೆ ಯಾವುದೇ ರೆಸ್ಪಾನ್ಸ್ ಕೊಡಲು ಇಷ್ಟವಿಲ್ಲ ಎಂದಿದ್ದಾರೆ.