ಬೆಂಗಳೂರು: ಸಿಸಿಬಿ ಪೊಲೀಸರಿಗೆ ಚಳ್ಳೆ ಹಣ್ಣು ತಿನ್ನಿಸಿ ಎಸ್ಕೇಪ್ ಆಗಿದ್ದ ರೌಡಿಶೀಟರ್ ಕುಣಿಗಲ್ ಗಿರಿ, ಕಳೆದ ಜೂನ್ 15ರ ರಾತ್ರಿ ಪಬ್ನಲ್ಲಿ ಬರ್ತಡೇ ಪಾರ್ಟಿ ಮಾಡಿದ್ದ ಎನ್ನಲಾದ ವಿಡಿಯೋವೊಂದು ಇದೀಗ ವೈರಲ್ ಆಗಿದೆ.
ಬೆಂಗಳೂರಿನ ರೆಸಿಡೆನ್ಸಿ ರಸ್ತೆಯಲ್ಲಿರುವ ಪಬ್ವೊಂದರಲ್ಲಿ ಲೈವ್ ಬ್ಯಾಂಡ್ ಪಾರ್ಟಿ ಆಯೋಜಿಸಲಾಗಿತ್ತು. ಬರ್ತಡೇ ಪಾರ್ಟಿಗೆ ಭರ್ಜರಿ ಸಿದ್ಧತೆ ಮಾಡಿಕೊಂಡಿದ್ದ ಕುಣಿಗಲ್ ಗಿರಿ ಮತ್ತು ಟೀಂನವರು ಬರೋಬ್ಬರಿ 250 ಮಹಿಳಾ ಡ್ಯಾನ್ಸರ್ಸ್ಗಳ ಸಮ್ಮುಖದಲ್ಲಿ ಸಂಭ್ರಮಾಚರಣೆಗೆ ಸಿದ್ಧತೆ ಮಾಡಿದ್ರು ಎನ್ನಲಾಗ್ತಿದೆ.
ಇನ್ನು ಪಬ್ ಲೈವ್ ಬ್ಯಾಂಡ್ನಲ್ಲಿ ರೌಡಿಶೀಟರ್ ಕುಣಿಗಲ್ ಗಿರಿಯ ಆಡಂಭರದ ಬರ್ತ್ಡೇ ಸಂಭ್ರಮಾಚರಣೆಯ ವಿಚಾರ ತಿಳಿದು ಸಿಸಿಬಿಯ ಡಿಸಿಪಿ ಗಿರೀಶ್ ನೇತೃತ್ವದ 50ಕ್ಕೂ ಹೆಚ್ಚು ಅಧಿಕಾರಿಗಳ ತಂಡ ಪಬ್ ಮೇಲೆ ದಾಳಿ ಮಾಡಿತ್ತು. ಸಿಸಿಬಿ ಪೊಲೀಸರು ಎಂಟ್ರಿಯಾಗ್ತಿದ್ದಂತೆ ಪಬ್ನಲ್ಲೇ ಇದ್ದ ಡ್ರೇಸಿಂಗ್ ರೂಂನಲ್ಲಿ ಅಡಗಿ ಕುಳಿತು ಸಿಸಿಬಿ ಪೊಲೀಸ್ರು ಅಲ್ಲಿಂದ ಹೋದ ನಂತರ ಗಿರಿ ಬೆಂಗಳೂರಿನಿಂದ ಎಸ್ಕೇಪ್ ಆಗಿದ್ದ. ಕುಣಿಗಲ್ಗೆ ಬಂದು ಮತ್ತೆ ಕೇಕ್ ಕಟ್ ಮಾಡಿದ್ದ ಎನ್ನಲಾದ ವಿಡಿಯೋವೊಂದು ವೈರಲ್ ಆಗಿದೆ.
ಇನ್ನು ಪಬ್ನಲ್ಲಿ ಬರ್ತಡೇ ಮಾಡಿದ್ದ ವಿಡಿಯೋ ಕೂಡ ವೈರಲ್ ಆಗಿದ್ದು, ಆ ವಿಡಿಯೋದಲ್ಲಿ ಗಿರಿ ಬರ್ತಡೇ ಸಂಭ್ರಮಾಚರಣೆಯ ದೃಶ್ಯ ಸೆರೆಯಾಗಿದೆ. ಸಿಸಿಬಿ ಅಧಿಕಾರಿಗಳು ಬರುವ ಮುನ್ನವೇ ಕೇಕ್ ಕಟ್ ಮಾಡಿದ್ದಗಿರಿ. ಕೇಕ್ ಕಟ್ಟು ಮಾಡೋ ವಿಡಿಯೋವನ್ನ ಗಿರಿ ಗ್ಯಾಂಗ್ ರೆಕಾರ್ಡ್ ಮಾಡಿದ್ರು. ಗಿರಿ ಹಾಗೂ ಆತನ ಸಂಗಡಿಗರು ಪಬ್ನಲ್ಲಿ ಹುಡುಗಿಯರ ಮೇಲೆ ಕಂತೆ ಕಂತೆ ನೋಟು ಚೆಲ್ಲುವ ಮೂಲಕ ಪಬ್ನಲ್ಲಿ ಸ್ಟಾರ್ನಂತೆ ಗಿರಿ ಕುಳಿತು ಲಲನೆಯರ ಡ್ಯಾನ್ಸ್ ಆಯೋಜಿಸಿ ಮಜಾ ಮಾಡಿದ್ದ ಎಂದು ಹೇಳಲಾಗ್ತಿದೆ.
ಸದ್ಯ ಗಿರಿ ತಲೆಮರೆಸಿಕೊಂಡಿದ್ದು ನಗರ ಪೊಲೀಸ್ ಆಯುಕ್ತ ಅಲೋಕ್ ಕುಮಾರ್ ಆದೇಶದಂತೆ ಗಿರಿ ಬಂಧನಕ್ಕೆ ಸಿಸಿಬಿ ಪೊಲೀಸರು ಶೋಧಕಾರ್ಯ ಮುಂದುವರೆಸಿದ್ದಾರೆ.
