ಬೆಂಗಳೂರು: ನಗರದಲ್ಲಿ ನಿನ್ನೆ ಇಡೀ ರಾತ್ರಿ ಮಳೆ ಸುರಿದಿದ್ದು, ವಿಧಾನಸೌಧದ ಒಳಗೂ ಮಳೆ ನೀರು ನುಗ್ಗಿವೆ. ವಿಧಾನಸೌಧದ ಬ್ಯಾಂಕ್ವೆಟ್ ಹಾಲ್ ಸಮೀಪದ ನೆಲ ಮಹಡಿಯಲ್ಲಿನ ಕ್ಯಾಂಟೀನ್ ಒಳಗೆ ಮಳೆ ನೀರು ನುಗ್ಗಿದ್ದು, ಕ್ಯಾಂಟೀನ್ ಸಿಬ್ಬಂದಿ ಬೆಳಗ್ಗೆ ಬಂದು ನೋಡಿದಾಗ ಇಡೀ ಕ್ಯಾಂಟೀನ್ನಲ್ಲಿ ನೀರು ತುಂಬಿರುವುದು ಕಂಡು ಬಂದಿದೆ.
ಮಳೆ ನೀರಿಗೆ ಕುರ್ಚಿ, ಕ್ಯಾಂಟೀನ್ನ ಆಹಾರ ತಯಾರಿಸುವ ಉಪಕರಣಗಳು ಒದ್ದೆಯಾಗಿದ್ದವು. ಬಳಿಕ ಅಲ್ಲಿನ ಸಿಬ್ಬಂದಿ ಪಂಪ್ ಮೂಲಕ ಮಳೆ ನೀರು ಹೊರ ಹಾಕಿದ್ದಾರೆ. ಸಂಪ್ಗೆ ಮಳೆ ನೀರು ನುಗ್ಗಿದ್ದರಿಂದ ಈ ಅನಾಹುತವಾಗಿದೆ ಎಂದು ಸಿಬ್ಬಂದಿ ಹೇಳಿದರು.
ಪೊಲೀಸ್ ಠಾಣೆಗೂ ನುಗ್ಗಿದ ನೀರು: ವಿಧಾನಸೌಧ ಆವರಣದಲ್ಲಿರುವ ಪೊಲೀಸ್ ಠಾಣೆಗೂ ನೀರು ನುಗ್ಗಿದ್ದು, ಬಳಿಕ ಪೊಲೀಸ್ ಸಿಬ್ಬಂದಿ ಮಳೆ ನೀರು ಹೊರ ಹಾಕಿದರು.
ಇದನ್ನೂ ಓದಿ: ಚಾಮರಾಜನಗರ: ಇಂದಿರಾ ಕ್ಯಾಂಟೀನ್, ಕಲ್ಯಾಣ ಮಂಟಪ, ದೇಗುಲವೂ ಜಲಾವೃತ
