ಬೆಂಗಳೂರಿನ ಸ್ಪಾ ಮೇಲೆ ದಾಳಿ: 6 ಯುವತಿಯರ ರಕ್ಷಣೆ

ಕೋರಮಂಗಲದ ಜಾಕ್​​ ಸೆಲೂನ್​​ ಆ್ಯಂಡ್​​ ವೆಲ್​​ನೆಸ್​​ ಸ್ಪಾ ಮೇಲೆ ಸಿಸಿಬಿ ಪೊಲೀಸರು ದಾಳಿ ನಡೆಸಿದ್ದು, ಅಕ್ರಮ ಚಟುವಟಿಕೆಯಲ್ಲಿ ತೊಡಗಿದ್ದ 6 ಯುವತಿಯರನ್ನು ರಕ್ಷಣೆ ಮಾಡಲಾಗಿದೆ.

ಬೆಂಗಳೂರು: ನಗರದ ಕೋರಮಂಗಲದಲ್ಲಿನ ಸ್ಪಾ ಮೇಲೆ ಸಿಸಿಬಿ ಪೊಲೀಸರು ದಾಳಿ ನಡೆಸಿದ್ದು, 6 ಯುವತಿಯರನ್ನು ರಕ್ಷಿಸಿದ್ದಾರೆ.

ಕೋರಮಂಗಲದಲ್ಲಿನ ಜಾಕ್​​ ಸೆಲೂನ್​​ ಆ್ಯಂಡ್​​ ವೆಲ್​​ನೆಸ್​​ ಸ್ಪಾನಲ್ಲಿ ಅಕ್ರಮ ಚಟುವಟಿಕೆ ನಡೆಯುತ್ತಿರುವ ಬಗ್ಗೆ ಖಚಿತ ಮಾಹಿತಿ ಕಲೆಹಾಕಿದ ಬೆಂಗಳೂರು ನಗರ ಅಪರಾಧ ವಿಭಾಗದ ಪೊಲೀಸರು, ಸ್ಪಾನಲ್ಲಿದ್ದ 6 ಯುವತಿಯರನ್ನು ರಕ್ಷಿಸಿದ್ದು, ಸ್ಪಾ ವ್ಯವಸ್ಥಾಪಕನನ್ನು ವಶಕ್ಕೆ ಪಡೆದಿದ್ದಾರೆ.

ಸ್ಪಾ ಮಾಲೀಕ ಅರವಿಂದ್​​ ಪರಾರಿಯಾಗಿದ್ದು, ಮಾಲೀಕನ ಬಂಧನಕ್ಕಾಗಿ ಪೊಲೀಸರು ಶೋಧ ಕಾರ್ಯ ಮುಂದುವರೆಸಿದ್ದಾರೆ. ಈ ಬಗ್ಗೆ ಕೋರಮಂಗಲ ಪೊಲೀಸ್​​ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.