ಬೆಂಗಳೂರು: ರಾಜಧಾನಿಯ ಪಿ.ಇ.ಎಸ್ ವಿವಿ ವಿದ್ಯಾರ್ಥಿನಿ ಗರ್ವಿತ ಸಾಮಾಜಿಕ ಉದ್ಯಮಶೀಲತೆಯನ್ನು ಪರಿಚಯಿಸಿರುವುದಕ್ಕೆ ಪ್ರತಿಷ್ಠಿತ ಫೋರ್ಬ್ಸ್ 30 ವರ್ಷದೊಳಗಿನ ಉದ್ಯಮಿಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದಾರೆ.
ಖಾಸಗಿ ವಿಶ್ವವಿದ್ಯಾನಿಲಯದಲ್ಲಿ 2017ರಿಂದ ಬಿ.ಇ ಎಲೆಕ್ಟ್ರಾನಿಕ್ಸ್ ಅಂಡ್ ಕಮ್ಯೂನಿಕೇಷನ್ ವಿಭಾಗದಲ್ಲಿ ವ್ಯಾಸಂಗ ಮಾಡುತ್ತಿರುವ ಗರ್ವಿತ ಈಗಾಗಲೇ ನೀರಿನ ಸಂರಕ್ಷಣೆ ಕುರಿತ ಕಾರ್ಯಾಗಾರ, ಸಂಶೋಧನೆ ಸೇರಿ ಹತ್ತಾರು ಕಾರ್ಯಕ್ರಮಗಳನ್ನು ಮಾಡುವ ಮೂಲಕ ಪರಿಸರವಾದಿ ಎಂದೂ ಗುರುತಿಸಿಕೊಂಡಿದ್ದಾರೆ.
ನೀರಿನ ಬಗ್ಗೆ ಅರಿವು ಮೂಡಿಸಲು 'ವೈ ವೇಸ್ಟ್' ಎಂಬ ಸಂಘಟನೆ ಆರಂಭಿಸಿದ್ದು, ನೀರು ಉಳಿತಾಯ ಮಾಡಲು ಜನರಿಗೆ ಜಾಗೃತಿ ಮೂಡಿಸಿದ್ದಾರೆ. ಈ ಕಾರಣದಿಂದ ಗೌರವ ಸಂದಿದೆ ಎಂದು ವಿವಿ ಪ್ರಕಟಣೆಯಲ್ಲಿ ತಿಳಿಸಿದೆ.