ಬೆಂಗಳೂರು : ಒಮಿಕ್ರಾನ್ ಟ್ರಾವೆಲ್ ಹಿಸ್ಟರಿ ಹೊಂದಿದ್ದ 34 ವರ್ಷ ವಯಸ್ಸಿನ ವ್ಯಕ್ತಿ ಸಂಪೂರ್ಣ ಗುಣಮುಖರಾಗಿ ಮನೆಗೆ ತೆರಳಿಸಿದ್ದಾರೆ. ಸೋಂಕಿನಿಂದ ರೋಗಮುಕ್ತವಾದ ವ್ಯಕ್ತಿ ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ.
ಡಿಸೆಂಬರ್ 1ರಂದು ಈ ವ್ಯಕ್ತಿ ದಕ್ಷಿಣ ಆಫ್ರಿಕಾದ ಹೈರಿಸ್ಕ್ನಿಂದ ಬೆಂಗಳೂರಿಗೆ ಆಗಮಿಸಿದ್ದರು. ಈ ವೇಳೆ ವಿಮಾನ ನಿಲ್ದಾಣದಲ್ಲಿ ಪರೀಕ್ಷಿಸಿದಾಗ ನೆಗೆಟಿವ್ ಬಂದಿತ್ತು. ಈ ಹಿನ್ನೆಲೆಯಲ್ಲಿ ಮನೆಗೆ ತೆರಳಿದ್ದರು.
ಆದರೆ, ಗಂಟಲಿನಲ್ಲಿ ಕೆರೆತ ಇದ್ದಿದ್ದರಿಂದ ಆಸ್ಪತ್ರೆಗೆ ಹೋಗಿ ಪರೀಕ್ಷೆಗೆ ಒಳಗಾಗಿದ್ದರು. ಈ ವೇಳೆ ಒಮಿಕ್ರಾನ್ ದೃಢಪಟ್ಟಿತ್ತು. ಈ ಹಿನ್ನೆಲೆಯಲ್ಲಿ ಚಿಕಿತ್ಸೆ ಪಡೆದು ಸಂಪೂರ್ಣ ಗುಣಮುಖರಾಗಿದ್ದು, ಮನೆಗೆ ತೆರಳಿದ್ದಾರೆ.
ಇನ್ನು ಸೋಂಕಿನಿಂದ ಗುಣಮುಖವಾರ ಹಿನ್ನೆಲೆಯಲ್ಲಿ ವ್ಯಕ್ತಿ ವಿಡಿಯೋದ ಮೂಲಕ ಒಮಿಕ್ರಾನ್ನಿಂದ ಹೇಗೆ ಗುಣಮುಖನಾದೆ ಮತ್ತು ಸೋಂಕಿನಿಂದ ಬಳಲುತ್ತಿರುವವರಿಗೆ ಕೆಲ ಧೈರ್ಯದ ಮಾತುಗಳನ್ನಾಡಿದ್ದಾರೆ.
'ದಕ್ಷಿಣ ಆಫ್ರಿಕಾದಲ್ಲಿದ್ದಾಗಲೇ ನನಗೆ ಒಮಿಕ್ರಾನ್ ಸೋಂಕು ಬಂದಿತ್ತು ಎನಿಸುತ್ತದೆ. ಸೋಂಕಿನ ಲಕ್ಷಣಗಳು ಭಯಪಡುವ ಹಾಗೇನು ಇರಲಲ್ಲಿ. ಈ ಮುಂಚೆ ನನಗೆ ಡೆಲ್ಟಾ ಸೋಂಕು ತಗುಲಿತ್ತು. ಅದಕ್ಕೆ ಹೋಲಿಕೆ ಮಾಡಿದರೆ ತುಂಬಾ ಮೈಲ್ಡ್ ಆಗಿತ್ತು.
ಮೂರು ದಿನಗಳ ಕಾಲ ಗಂಟಲು ಕೆರೆತ, ಸುಸ್ತು, ಕೆಮ್ಮು ಕಾಣಿಸಿತ್ತು. ಇದನ್ನು ಬಿಟ್ಟರೆ ಯಾವುದೇ ತೊಂದರೆ ಇರಲಿಲ್ಲ. ಆಸ್ಪತ್ರೆಯಲ್ಲಿಯೇ ಇದ್ದುಕೊಂಡು ಆಫೀಸ್ ಕೆಲಸ ಮಾಡುತ್ತಿದ್ದೆ' ಎಂದರು ತಿಳಿಸಿದ್ದಾರೆ.
ಚಿಕಿತ್ಸೆಯಲ್ಲಿ ವ್ಯತ್ಯಾಸ ಇರಲಿಲ್ಲ : ಒಮಿಕ್ರಾನ್ ಸೋಂಕಿನ ಚಿಕಿತ್ಸೆಯಲ್ಲಿ ಯಾವುದೇ ವ್ಯತ್ಯಾಸ ಇರಲಿಲ್ಲ. ಕೊರೊನಾಗೆ ಏನು ಔಷಧೋಪಚಾರ ಇದ್ದವೋ ಅದನ್ನೇ ನೀಡಿದ್ದರು ಎಂದು ತಿಳಿಸಿದರು.
