ರಾಜ್ಯ ಸರ್ಕಾರದ ನೀತಿಗಳ ವಿರುದ್ಧ ಎನ್​​​ಎಸ್​ಯುಐ ಪ್ರತಿಭಟನೆ

ಕೊರೊನಾ ನಡುವೆ ಶಾಲೆ ಪುನಾರಂಭ ಹಾಗೂ ಆನ್​​ಲೈನ್​​ ತರಗತಿ ಕುರಿತಂತೆ ಎನ್​ಎಸ್​ಯಐ ಸಂಘಟನೆಯಿಂದ ರಾಜ್ಯ ಸರ್ಕಾರದ ವಿರುದ್ಧ ಪ್ರತಿಭಟನೆ ನಡೆಸಿತು. ಅಲ್ಲದೆ ಸರ್ಕಾರದ ಹಲವು ನೀತಿಗಳ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ.

ಬೆಂಗಳೂರ: ರಾಜ್ಯ ಸರ್ಕಾರದ ವಿರುದ್ಧ ಎನ್​​​ಎಸ್​ಯುಐ ಕಾರ್ಯಕರ್ತರು ಇಂದು ಪ್ರತಿಭಟನೆ ನಡೆಸಿದರು. ಬೆಂಗಳೂರಿನ ರೇಸ್ ಕೋರ್ಸ್ ರಸ್ತೆಯ ಕಾಂಗ್ರೆಸ್ ಭವನದ ಮುಂಭಾಗದಲ್ಲಿ ಧರಣಿ ನಡೆಸಲಾಯಿತು.

ಕಾಲೇಜುಗಳು ವಿದ್ಯಾರ್ಥಿಗಳು ಶೋಷಣೆಗೊಳಪಟ್ಟಿದ್ದು, ಎಂಜಿನಿಯರ್, ಪದವಿ ವಿದ್ಯಾರ್ಥಿಗಳ ಮೇಲೆ ಕಿರುಕುಳ ನಡೆಯುತ್ತಿದೆ. ತಮ್ಮ ಶುಲ್ಕ ಸಂಗ್ರಹ ಮಾಡುವುದಕ್ಕೆ ವಿದ್ಯಾರ್ಥಿಗಳ ಜೀವನವನ್ನು ಹಾಳು ಮಾಡುತ್ತಿದ್ದಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಬ್ಯಾಕ್ ಲಾಗ್ ಉಳಿಸಿಕೊಳ್ಳಿ ಅಂತ ವಿದ್ಯಾರ್ಥಿಗಳಿಗೆ ಹೇಳುತ್ತಾರೆ. 6 ತಿಂಗಳು ಸಿಲ್​ಬಸ್ ಮುಂದಕ್ಕೆ ಹಾಕಲಿ, 14 ಸಿಲ್​ಬಸ್ ಆನ್​ಲೈನ್​ನಲ್ಲಿ ಮುಗಿಸುವುದು ಕಷ್ಟ. ಸಿಲ್​​ಬಸ್ ಕಂಪ್ಲೀಟ್ ಆಗುವವರೆಗೆ ಎಕ್ಸಾಂ ಬೇಡ ಎಂದು ಪ್ರತಿಭಟನಾಕಾರರು ಆಗ್ರಹಿಸಿದರು.

ಗ್ರಾಮೀಣ ಭಾಗದಲ್ಲಿ ಎಲ್ಲರೂ ಲ್ಯಾಪ್ ಟಾಪ್ ಇಟ್ಕೊಳ್ಳೋಕೆ ಆಗುತ್ತಾ..? ಕೆಲವರ ಬಳಿ ಮೊಬೈಲ್​ಗಳೇ ಇಲ್ಲ. ಮರ ಹತ್ತಿ, ಬೆಟ್ಟ ಹತ್ತಿ ನೆಟ್​ವರ್ಕ್​ಗೆ ಪರದಾಡ್ತಿದ್ದಾರೆ.

ಇಂತಹ ಸಂದರ್ಭದಲ್ಲಿ ಆನ್​ಲೈನ್ ಕ್ಲಾಸ್ ಸಾಧ್ಯವೇ? ಎಂದು ವಿದ್ಯಾರ್ಥಿ ನಾಯಕರು ಪ್ರಶ್ನಿಸಿದರು. ಆನ್​ಲೈನ್ ಪರೀಕ್ಷೆ ಕೂಡ ಸಾಧ್ಯವಿಲ್ಲ. ಕೂಡಲೇ ಸರ್ಕಾರ ಶಿಕ್ಷಣ ತಜ್ಞರ ಸಭೆ ಕರೆದು ಚರ್ಚಿಸಲಿ. ನಂತರ ಉತ್ತಮ ನಿರ್ಧಾರ ತೆಗೆದುಕೊಳ್ಳಲಿ. ಇಲ್ಲವಾದರೆ ನಮ್ಮ ಹೋರಾಟ ಮುಂದುವರಿಯಲಿದೆ ಎಂದು ಎನ್​ಎಸ್​ಯುಐ ಘಟಕದಿಂದ ಸರ್ಕಾರಕ್ಕೆ ಆಗ್ರಹಿಸಲಾಗಿದೆ.