ಬೆಂಗಳೂರು: ಮನೆವೊಂದರ ಮೇಲೆ ಮಾದಕ ವಸ್ತು ನಿಗ್ರಹ ದಳ ದಾಳಿ ಮಾಡಿ, ಬರೋಬ್ಬರಿ 27 ಕೆಜಿ ಡ್ರಗ್ಸ್ ಪತ್ತೆ ಮಾಡಿದೆ.
198 ನೇ ವಾಡ್೯, ಹೆಮ್ಮಿಗೇಪುರದ ಫ್ಲೆಕ್ಸ್ ಲೇಔಟ್ನ ಮನೆಯೊಂದರಲ್ಲಿ ಖಚಿತ ಮಾಹಿತಿ ಮೇರೆಗೆ ಸತತ 6 ಗಂಟೆಗಳಿಂದ ಮನೆ ಪರಿಶೀಲನೆ ಮಾಡಿ ಗಾಂಜಾ ಪತ್ತೆ ಮಾಡಿದ್ದಾರೆ. ಇನ್ನು ಮನೆಯಲ್ಲಿ ಮಂಗಳೂರು ಮೂಲದ ಕುಟುಂಬ ನೆಲಸಿತ್ತು. ಕಳೆದ 1 ವರ್ಷದಿಂದ ಈ ಬಾಡಿಗೆ ಮನೆಯಲ್ಲಿ ಮೂವರು ಮಕ್ಕಳು, ಪತಿ, ಪತ್ನಿ ಸೇರಿ ಐವರು ವಾಸವಾಗಿದ್ರು .
ಇವರು ಅಡುಗೆ ಕೊಣೆಯಲ್ಲಿಯೇ ಕೆಜಿಗಟ್ಟಲೆ ಮಾದಕ ವಸ್ತುಗಳ ಸಂಗ್ರಹ ಮಾಡಿ, ವಾಸನೆ ಬರಬರಾದು ಎಂದು ಪ್ರತ್ಯೇಕ ಫ್ಯಾನ್ ವ್ಯವಸ್ಥೆ ಮಾಡಿದ್ದರು. ಬೆಳಗಿನ ಜಾವ ಬ್ಯಾರಲ್ಗಳಲ್ಲಿ ಪಾರ್ಸಲ್ ಮಾಡುತ್ತಿದ್ದರು ಎಂದು ಹೇಳಲಾಗುತ್ತಿದೆ. ಖಚಿತ ಮಾಹಿತಿ ಮೇರೆಗೆ ದಾಳಿ ಮಾಡಿದ್ದಾರೆ. ಕೆಂಗೇರಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.
ಇನ್ನು ಬೆಂಗಳೂರು ಸೇರಿದಂತೆ ಹೈದರಾಬಾದ್ನಲ್ಲಿಯೂ ಕೆಲ ಆರೋಪಿಗಳು ಇದ್ದು, ಅವರ ಮೇಲೆಯು ಕೂಡಾ ದಾಳಿ ನಡೆಯುವ ಸಾಧ್ಯತೆ ಇದೆ ಎಂದು ಎನ್ಸಿಬಿ ಮೂಲಗಳಿಂದ ಮಾಹಿತಿ ಲಭ್ಯವಾಗಿದೆ.
