ಬೆಂಗಳೂರು: ಮಂಡ್ಯ, ಹಾಸನ ಹಾಗೂ ಬೆಂಗಳೂರಿನಲ್ಲಿ ಇಂದು ನಡೆದ ಐಟಿ ದಾಳಿ ವಿಚಾರಕ್ಕೆ ಸಂಬಂಧಿಸಿದಂತೆ ಐಟಿ ಇಲಾಖೆ ಸ್ಪಷ್ಟನೆ ನೀಡಿದೆ.
ಇಂದು ಬೆಂಗಳೂರು, ಮಂಡ್ಯ ಹಾಗೂ ಹಾಸನದಲ್ಲಿ ದಾಳಿ ನಡೆಸಲಾಗಿದ್ದು, ಪರಿಶೀಲನೆ ನಡೆಸಲಾಗುತ್ತಿದೆ. ಗುಪ್ತಚರ ಮಾಹಿತಿ ಆಧಾರದ ಮೇರೆಗೆ ದಾಳಿ ನಡೆಸಲಾಗಿದೆ. ಕೆಲ ಉದ್ಯಮಿಗಳು, ಆದಾಯದ ಕುರಿತು ಯಾವುದೇ ತೆರಿಗೆ ಆದಾಯದ ಬಗ್ಗೆ ಘೋಷಿಸಿರಲಿಲ್ಲ. ದಾಳಿ ವೇಳೆ ರಿಯಲ್ ಎಸ್ಟೇಟ್ ಉದ್ಯಮ, ಕ್ವಾರಿ ನಡೆಸುವ ಉದ್ಯಮ, ಕಲ್ಲು ಗಣಿಗಾರಿಕೆ, ಸರ್ಕಾರಿ ಗುತ್ತಿಗೆದಾರರು, ಪೆಟ್ರೋಲ್ ಬಂಕ್ ಉದ್ಯಮಗಳಲ್ಲಿ ಕಪ್ಪು‌ಹಣ ವಹಿವಾಟು ಆಗುತ್ತಿರುವ ಬಗ್ಗೆ ಮಾಹಿತಿ ಬೆಳಕಿಗೆ ಬಂದಿದೆ.
ಇನ್ನು ಹಾಸನದ ಐದು ಮನೆಗಳಲ್ಲಿ, ಬೆಂಗಳೂರಿನಲ್ಲಿ ಒಂದು ಕಡೆ ಹಾಗೂ ಮಂಡ್ಯದಲ್ಲಿ ಒಂದು ಕಡೆ ದಾಳಿ ಮಾಡಿ ದಾಖಲಾತಿಗಳ ಪರಿಶೀಲನೆ ಮುಂದುವರೆದಿದೆ. ಇನ್ನೂ ಹೆಚ್ವಿನ ಮಾಹಿತಿಯನ್ನ ಆದಷ್ಟು ಬೇಗ ಬಿಡುಗಡೆ ಮಾಡಲಾಗುವುದು ಎಂದು ಅಧಿಕಾರಿಗಳು ಹೇಳಿದ್ದಾರೆ.
