ಬೆಂಗಳೂರು: ಡ್ರಗ್ ಪೆಡ್ಲರ್ ಜೊತೆ ಸಂಪರ್ಕ ಹೊಂದಿರುವ ಕೇರಳದ ಮಾಜಿ ಗೃಹ ಸಚಿವ ಕೊಡಿಯೇರಿ ಬಾಲಕೃಷ್ಣನ್ ಪುತ್ರನ ವಿಚಾರಣೆಯನ್ನ ಸತತ 6 ಗಂಟೆಗಳ ಕಾಲ ಇಡಿ ಅಧಿಕಾರಿಗಳು ನಡೆಸಿದ್ದಾರೆ. ಬಳಿಕ ಸಾಕಷ್ಟು ಗಾಬರಿಗೊಂಡಿರುವ ಬಿನೇಶ್ ವಿಚಾರಣೆ ಮುಗಿಸಿ ಇಡಿ ಕಚೇರಿ ವಿಸಿಟರ್ ಏರಿಯಾದಲ್ಲಿ ಸುಸ್ತಾಗಿ ವಿಶ್ರಾಂತಿ ಪಡೆದಿದ್ದಾರೆ.
ಸತತ 6 ಗಂಟೆ ನಂತರ ಬಿನೇಶ್ ಕೊಡಿಯೇರಿ ವಿಚಾರಣೆ ಅಂತ್ಯ
ಬೆಳಗ್ಗೆ 11 ಗಂಟೆಗೆ ಶಾಂತಿನಗರ ಬಳಿಯ ಜಾರಿ ನಿರ್ದೇಶಾನಾಲಯ ಕಚೇರಿಗೆ ಸಮನ್ಸ್ ಹಿನ್ನೆಲೆ ವಿಚಾರಣೆಗೆ ಹಾಜರಾಗಿದ್ದರು. ಈ ವೇಳೆ ಎನ್ಸಿಬಿ ಬಂಧಿಸಿದ ಅನೂಪ್ ಜೊತೆಗಿನ ವ್ಯವಹಾರ ಬಗ್ಗೆ ಮಾಹಿತಿ ಕಲೆಹಾಕಿದರು. ಬೆಂಗಳೂರು ಮತ್ತು ಕೇರಳದಲ್ಲಿ ಹೋಟೆಲ್ ನಡೆಸಿದ್ದೆವು, ಆದರೆ ಯಾವುದೇ ಡ್ರಗ್ ದಂಧೆಯಲ್ಲಿ ಭಾಗಿಯಾಗಿಲ್ಲ. ನಾನು ಅನೂಪ್ಗೆ 50 ಲಕ್ಷ ಅಲ್ಲ, 70 ಲಕ್ಷ ಹಣ ನೀಡಿದ್ದೆ. ನಾನು ಡ್ರಗ್ ವ್ಯವಹಾರ ನಡೆಸಿಲ್ಲ ಎಂದು ಅಧಿಕಾರಿಗಳ ಎದುರು ತಿಳಿಸಿದ್ದಾರೆ.
ಸದ್ಯ ಕೆಲ ಮಾಹಿತಿಗಳನ್ನ ಕಲೆಹಾಕಿರುವ ಇಡಿ ಮತ್ತೆ ವಿಚಾರಣೆಗೆ ಅವಶ್ಯಕತೆ ಇದ್ದರೆ ಕರೆಯುವುದಾಗಿ ತಿಳಿಸಿದ್ದಾರೆ.
