ಬೆಂಗಳೂರು : ಬೆಂಗಳೂರು ಟೆಕ್ ಶೃಂಗಸಭೆ (ಬಿಟಿಎಸ್) 2023ರ 26ನೇ ಆವೃತ್ತಿಯಲ್ಲಿ ವಿವಿಧ ಸ್ಟಾರ್ಟ್‌ಅಪ್‌ಗಳು ಅಭಿವೃದ್ಧಿಪಡಿಸಿದ 35 ವಿನೂತನ ಉತ್ಪನ್ನಗಳನ್ನು ರಾಜ್ಯ ಸರ್ಕಾರದ ಎಲೆಕ್ಟ್ರಾನಿಕ್ಸ್, ಐಟಿ-ಬಿಟಿ, ಮತ್ತು ಎಸ್ ಅಂಡ್ ಟಿ ಇಲಾಖೆಯು ಅನಾವರಣಗೊಳಿಸಿದೆ.
ಶೃಂಗಸಭೆಯ 2 ಮತ್ತು 3ನೇ ದಿನದಲ್ಲಿ ಸ್ಟಾರ್ಟ್ಅಪ್ ಇನ್ನೋವೇಶನ್ ವಲಯಗಳಲ್ಲಿ ನಡೆದ ಸ್ಟಾರ್ಟ್ಅಪ್ ಉತ್ಪನ್ನ ಬಿಡುಗಡೆಯ ಎರಡನೇ ಆವೃತ್ತಿ ಇದಾಗಿದೆ. ಈ ಉಪಕ್ರಮವು ವೈವಿಧ್ಯಮಯ ಕೈಗಾರಿಕೆಗಳಲ್ಲಿ ನಾವೀನ್ಯತೆಯನ್ನು ಉತ್ತೇಜಿಸುವ ರಾಜ್ಯದ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ.
ಪ್ರಮುಖ ಮುಖ್ಯಾಂಶಗಳು : ಸೆಕ್ಟರ್-ಆಗ್ನೋಟಿಕ್‌ ಇನೋವೇಷನ್‌: ಇಂದು ಬಿಡುಗಡೆ ಮಾಡಿದ ಉತ್ಪನ್ನಗಳಾದ ಐಟಿ/ಐಟಿಇಎಸ್, ಅಗ್ರಿ-ಟೆಕ್, ಮೆಡ್-ಟೆಕ್, ಹೆಲ್ತ್‌ಕೇರ್, ಕ್ಲೀನ್-ಟೆಕ್, ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (ಎಐ), ಡೀಪ್ ಟೆಕ್, ಬ್ಲಾಕ್‌ಚೇನ್, ಐಒಟಿ, ಸೈಬರ್ ಸೆಕ್ಯುರಿಟಿ, ಎನ್ವಿರಾನ್ಮೆಂಟ್ ಟೆಕ್, AVGC ಮತ್ತು ESDM ಸೇರಿದಂತೆ ಹಲವಾರು ಕ್ಷೇತ್ರಗಳನ್ನು ವ್ಯಾಪಿಸಿದೆ.
ಕೊಡುಗೆಗಳ ವೈವಿಧ್ಯತೆ : ವಿನೂತನ ಪರಿಹಾರಗಳ ಶ್ರೇಣಿಯಲ್ಲಿ, ಎಲೆಕ್ಟ್ರಾನಿಕ್ ಸಾಧನಗಳನ್ನು ಸಂಯೋಜಿಸುವ ಕೃತಕ ಬುದ್ಧಿಮತ್ತೆ (AI) ಮತ್ತು ಇಂಟರ್ನೆಟ್ ಆಫ್ ಥಿಂಗ್ಸ್ (IoT), ವಾಹನ ತಯಾರಿಕೆಯಲ್ಲಿನ ಪ್ರಗತಿ, ಪಾದರಕ್ಷೆ ಮತ್ತು ಪರಿಕರಗಳ ಆವಿಷ್ಕಾರ, ವಾಯುಪಡೆ ಮತ್ತು ಸೇನಾಪಡೆ ತಂತ್ರಜ್ಞಾನಗಳು, ಹೊರಹರಿವಿನ ವಾಯು ಸಂಸ್ಕರಣೆ, ಮೋಸದ ವಹಿವಾಟನ್ನು ನಿಯಂತ್ರಿಸುವ ಅಪ್ಲಿಕೇಶನ್‌ಗಳು, ಫ್ಯಾಬ್ರಿಕ್ ದೃಢೀಕರಣ ಉಪಕರಣಗಳು, ಅನಿಮೇಷನ್‌ ಮತ್ತು ಕಾಮಿಕ್ಸ್, ಗುಣಮಟ್ಟದ ಮೌಲ್ಯಮಾಪನಕ್ಕಾಗಿ ಡೀಪ್ಟೆಕ್ ಆಧಾರಿತ ಪ್ಲಾಟ್‌ಫಾರ್ಮ್‌ಗಳು ಸೇರಿದಂತೆ ಹಲವು ಇನ್ನೊವೇಷನ್‌ಗಳು ಒಳಗೊಂಡಿವೆ.
ಇನ್ಕ್ಯುಬೇಟರ್ ಬೆಂಬಲ : ಬಹುಪಾಲು ಸ್ಟಾರ್ಟ್‌ಅಪ್‌ಗಳು ಕರ್ನಾಟಕ ಸರ್ಕಾರದ ಬೆಂಬಲಿತ ಇನ್‌ಕ್ಯುಬೇಟರ್‌ಗಳಲ್ಲಿ ಪ್ರವರ್ಧಮಾನಕ್ಕೆ ಬಂದಿವೆ. ಉದಾಹರಣೆಗೆ ಕೆ-ಟೆಕ್ ಇನ್ನೋವೇಶನ್ ಹಬ್‌ಗಳು, ಸೆಂಟರ್ಸ್ ಆಫ್ ಎಕ್ಸಲೆನ್ಸ್ (ಸಿಒಇ), ಮತ್ತು ಟೆಕ್ನಾಲಜಿ ಬ್ಯುಸಿನೆಸ್ ಇನ್ಕ್ಯುಬೇಟರ್ (ಟಿಬಿಐ) ಸಿ-ಕ್ಯಾಂಪ್, ಜೈನ್ ಇನ್ಕ್ಯುಬೇಶನ್ ಸೆಂಟರ್, ದೇಶಪಾಂಡೆ ಸ್ಟಾರ್ಟ್‌ಅಪ್‌ಗಳು ಮತ್ತು CoE - ಸೈಬರ್ ಸೆಕ್ಯುರಿಟಿ ನಾಸ್ಕಾಮ್‌ನಂತಹ ಗೌರವಾನ್ವಿತ ಸಂಸ್ಥೆಗಳಿಂದ ಆಂಕರ್ ಮಾಡಲಾಗಿದೆ.
ಸರ್ಕಾರದ ಬೆಂಬಲ : ಈ ಪ್ರದರ್ಶನದಲ್ಲಿ ಕಾಣಿಸಿಕೊಂಡಿರುವ ಹಲವಾರು ಸ್ಟಾರ್ಟ್‌ಅಪ್‌ಗಳು ಸರ್ಕಾರದ Idea2PoC / ELEVATE ಗ್ರಾಂಟ್-ಇನ್-ಏಡ್ ಸೀಡ್ ಫಂಡಿಂಗ್ ಕಾರ್ಯಕ್ರಮದ ಮೂಲಕ ಹಣಕಾಸಿನ ಅನುದಾನವನ್ನು ಪಡೆದಿವೆ. ಇದು ಉದ್ಯಮಶೀಲ ಪ್ರತಿಭೆಯನ್ನು ಪೋಷಿಸಲು ಮತ್ತು ನಾವೀನ್ಯತೆಯ ಸಂಸ್ಕೃತಿಯನ್ನು ಬೆಳೆಸಲು ರಾಜ್ಯದ ಬದ್ಧತೆಯನ್ನು ಎತ್ತಿ ತೋರಿಸುತ್ತದೆ.
ವೈವಿಧ್ಯತೆ ಮತ್ತು ಸೇರ್ಪಡೆ : 36 ಸ್ಟಾರ್ಟ್‌ಅಪ್‌ಗಳಲ್ಲಿ ಗಮನಾರ್ಹವಾಗಿ 09 ಮಹಿಳಾ ನೇತೃತ್ವದ ಸ್ಟಾರ್ಟ್‌ಅಪ್ಸ್‌ಗಳು ಇದ್ದು, ಕರ್ನಾಟಕದ ಸ್ಟಾರ್ಟ್‌ಅಪ್ಸ್‌ ಪರಿಸರ ವ್ಯವಸ್ಥೆಯ ವೈವಿಧ್ಯಮಯ ಸ್ವರೂಪ ಹಾಗೂ ಮಹಿಳೆಯರಿಗೆ ಆದ್ಯತೆ ನೀಡುತ್ತಿರುವುದನ್ನು ಇದು ಒತ್ತಿ ಹೇಳುತ್ತದೆ.
ಇದನ್ನೂ ಓದಿ : ಬಯೋ ಮಾಂಗೇ ಮೋರ್; ಜೈವಿಕ ವಿಜ್ಞಾನವು ದೇಶದ ಜೈವಿಕ ಆರ್ಥಿಕತೆಯಾಗಬೇಕು; ರಾಜೇಶ್ ಗೋಖಲೆ
