ಬೆಂಗಳೂರು: ಮಂಗಳೂರು ಮೂಲದ ಸ್ವರೂಪ್ ಶೆಟ್ಟಿ ಎಂಬಾತ ಹಾವೇರಿ ಮೂಲದ ಯುವಕನನ್ನು ಮೊದಲು ಬೆಂಗಳೂರಿನ ಎಟ್ರಿಯಾ (ರಾಡಿಸನ್ ಬ್ಲೂ) ಹೋಟೆಲ್ನಲ್ಲಿ ಪರಿಚಯ ಮಾಡಿಕೊಂಡಿದ್ದಾನೆ. ಅದೇ ಹೋಟೆಲ್ನಲ್ಲಿ ಅಮಾಯಕ ಯುವಕ ಕೆಲಸ ಮಾಡುತ್ತಿದ್ದು, ಹೋಟೆಲ್ಗೆ ಗ್ರಾಹಕನಾಗಿ ಯಾವಾಗಲು ಸ್ವರೂಪ್ ಬರುತ್ತಿದ್ದನು.
ಪ್ರತಿ ದಿನಾಲೂ ಈ ಯುವಕನೇ ಸ್ವರೂಪ್ಗೆ ಸಪ್ಲೈ ಮಾಡ್ತಿದ್ದ. ಹೀಗೆ ಇಬ್ಬರ ನಡುವೆ ಸ್ನೇಹ ಬೆಳೆದಿದೆ. ಬಳಿಕ ಯುವಕ ತನಗೆ ಹಣಕಾಸಿನ ತೊಂದರೆ ಇದೆ ಎಂದು ಸ್ವರೂಪ್ ಬಳಿ ಹೇಳಿಕೊಂಡಿದ್ದ. ನಂತರ ಸ್ವರೂಪ್ ನಾನು ನಿನಗೆ ಸಹಾಯ ಮಾಡುತ್ತೇನಿ, ಆದರೆ ಸಹಾಯ ಮಾಡುತ್ತಿರುವುದನ್ನು ಯಾರಿಗೂ ಹೇಳಬಾರದು ಎಂದಿದ್ದಾನೆ.
ಬಳಿಕ ಸ್ವರೂಪ್ ಕೇರಳ ಮೂಲದ ಓರ್ವ ಸ್ವಾಮೀಜಿ ಬಗ್ಗೆ ಯುವಕನ ಜೊತೆ ಮಾತನಾಡಿ, ಅವರು ನನಗೆ 24 ಲಕ್ಷ ರೂ. ಹಣವನ್ನು ಅಕೌಂಟ್ಗೆ ಹಾಕಿದ್ದಾರೆ ಎಂದಿದ್ದಾನೆ. ಇದಕ್ಕೆ ಟ್ಯಾಕ್ಸ್ ಕಟ್ಟಬೇಕು. ಆ ಹಣವನ್ನು ನೀನು ಕೊಡು ಎಂದು ಯುವಕನಿಗೆ ಹೇಳಿದ್ದಾನೆ. ಆಗ ಯುವಕ ತನ್ನ ಮಾವನನ್ನು ಸಂಪರ್ಕ ಮಾಡಿ ಐದು ಲಕ್ಷ ರೂ. ಹಣವನ್ನು ಸ್ವರೂಪ್ಗೆ ಕೊಟ್ಟಿದ್ದಾನೆ. ಟ್ಯಾಕ್ಸ್ ಕಟ್ಟಿದ ಮೇಲೂ ಯುವಕನ ಖಾತೆಗೆ ಯಾವುದೇ ಹಣ ಬಂದಿರುವುದಿಲ್ಲ. ಈ ಬಗ್ಗೆ ಕೇಳಿದಾಗ ಮತ್ತೆ ಹಣವನ್ನು ಆತನೇ ಕೊಡುವುದಾಗಿ ಹೇಳಿ, ಕಾಡುಗೋಡಿ ಬಳಿಯ ತನ್ನ ಅಪಾರ್ಟ್ಮೆಂಟ್ಗೆ ಕರೆಸಿಕೊಂಡಿದ್ದಾನೆ.
ಅಪಾರ್ಟ್ಮೆಂಟ್ಗೆ ಕರೆಸಿಕೊಂಡು ಬರೋಬ್ಬರಿ ಮೂರು ತಿಂಗಳು ಅಕ್ರಮವಾಗಿ ಬಂಧನದಲ್ಲಿಟ್ಟು, ಪೊಲೀಸರ ರೀತಿ ಅರ್ಷದ್ ತಾಯಿಗೆ ಫೋನ್ ಮಾಡಿ ಚೆಕ್ ಬೌನ್ಸ್ ಕೇಸ್ನಲ್ಲಿ ಅರೆಸ್ಟ್ ಮಾಡಿಸುವುದಾಗಿ ಬೆದರಿಕೆ ಹಾಕಿದ್ದಾನೆ. ಈ ರೀತಿ ಹೇಳಿ ಬರೋಬ್ಬರಿ 48 ಲಕ್ಷ ರೂ. ಹಣ ವಸೂಲಿ ಮಾಡಿದ್ದಾನೆ. ಬಳಿಕ ಮೋಸ ಹೋಗುತ್ತಿರುವ ವಿಚಾರ ತಿಳಿದ ಯುವಕನ ಕುಟುಂಬಸ್ಥರು ಆಡುಗೋಡಿ ಪೊಲೀಸರಿಗೆ ದೂರು ನೀಡಿದ್ದಾರೆ. ಬಳಿಕ ಪೊಲೀಸರು ಪ್ರಕರಣ ದಾಖಲಿಸಿ ಆರೋಪಿಯನ್ನು ಬಂಧಿಸಿದ್ದಾರೆ. ಆರೋಪಿ ಸ್ವರೂಪ್ ಮೂರು ತಿಂಗಳು ಅಮಾಯಕ ಯುವಕನಿಗೆ ಹೊಡೆಯುವುದು, ಒದೆಯುವುದು ಮಾಡಿ ಚಿತ್ರಹಿಂಸೆ ನೀಡಿದ್ದಾನೆ.
ಓದಿ:ಡ್ರಗ್ಸ್ ಪ್ರಕರಣ : ತಲೆಮರೆಸಿಕೊಂಡಿದ್ದ ಮತ್ತೋರ್ವ ಆರೋಪಿ ಅರೆಸ್ಟ್
ಇನ್ನು ತನಿಖೆ ವೇಳೆ, ಆರೋಪಿ ವಿರುದ್ಧ ಮಂಗಳೂರು ಸುತ್ತಮುತ್ತ ಏಳು ವಂಚನೆ ಹಾಗೂ ಅಕ್ರಮ ಬಂಧನ ಕೇಸ್ ದಾಖಲಾಗಿರುವುದು ತಿಳಿದು ಬಂದಿದೆ. ಕೆಲ ದಿನಗಳ ಹಿಂದೆ ಪುಣೆಯಲ್ಲಿ ಓರ್ವರಿಗೆ ತಾನು ಎಮ್ಎನ್ಸಿ ಕಂಪನಿ ಸಿಇಒ ಎಂದು ಹೇಳಿಕೊಂಡು, ತನಗೆ ಹಣದ ಅವಶ್ಯಕತೆ ಇದೆ ಎಂದು ನಂಬಿಸಿ ಬರೋಬ್ಬರಿ ಹತ್ತು ಲಕ್ಷ ವಂಚನೆ ಮಾಡಿದ್ದಾನೆ. ಹೀಗಾಗಿ ಸದ್ಯ ಅರೋಪಿ ಸ್ವರೂಪ್ ಶೆಟ್ಟಿ ವಿರುದ್ಧ ಪುಣೆಯಲ್ಲಿ ಸಹ ಕೇಸ್ ದಾಖಲಾಗಿದೆ.
