ಬೆಂಗಳೂರು : ಕಳ್ಳದಂಧೆಯಲ್ಲಿ ಎಣ್ಣೆ ಮಾರಾಟ ಮಾಡುತ್ತಿದ್ದ ಆರೋಪಿಗಳನ್ನು ಬೆಂಗಳೂರು ಅಬಕಾರಿ ಪೊಲೀಸರು ಬಂಧಿಸಿದ್ದಾರೆ.
ಇಬ್ಬರು ಆರೋಪಿಗಳ ಬಂಧನ
ಮಣಿ ಮತ್ತು ರಾಮು ಬಂಧಿತ ಆರೋಪಿಗಳು. ಇವರು ಮಿಲ್ಟ್ರಿ ಕ್ಯಾಂಟೀನ್, ಡ್ಯೂಟಿ ಫ್ರೀ ಶಾಪ್ಗಳಿಂದ ನೂರಾರು ಲೀಟರ್ ಎಣ್ಣೆಯನ್ನು ಖರೀದಿಸಿ ಹೊಸವರ್ಷಕ್ಕೆ ಪೂರೈಕೆ ಮಾಡಲು ಅನಧಿಕೃತವಾಗಿ ಶೇಖರಿಸಿದ್ದರು. ಈ ಕುರಿತು ಖಚಿತ ಮಾಹಿತಿ ಮೇರೆಗೆ ಅಬಕಾರಿ ಡಿಸಿ ವೀರಣ್ಣ ಬಾಗೇವಾಡಿ ತಂಡ ದಾಳಿ ನಡೆಸಿ ಆರೋಪಿಗಳನ್ನು ಬಂಧಿಸಿದ್ದಾರೆ.
ಓದಿ: ಕೊರೊನಾ ರೂಪಾಂತರ ವೈರಸ್ : ಯುಕೆಯಿಂದ ಬಂದ ಮೂವರಿಗೆ ಸೋಂಕು ದೃಢ
ಬಂಧಿತರಿಂದ 12 ಲಕ್ಷ ಮೌಲ್ಯದ 110 ಫುಲ್ ಬಾಟಲ್ಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ನಿಯಮದ ಪ್ರಕಾರ ಪರವಾನಿಗೆ ಇಲ್ಲದೆ ಯಾವುದೇ ವ್ಯಕ್ತಿ 2.5 ಲೀಟರ್ಗಿಂತ ಹೆಚ್ಚು ಮದ್ಯ ಹೊಂದಲು ಅವಕಾಶವಿಲ್ಲ. ಆದರೆ, ಪಾರ್ಟಿಗಳಿಗೆ ಬಾರ್ನ ಬೆಲೆಗಿಂತ ಕಡಿಮೆ ಬೆಲೆಗೆ ರೆಸ್ಟೊರೆಂಟ್ಗೆ ಎಣ್ಣೆ ಮಾರಾಟ ಮಾಡಲು ಶೇಖರಣೆ ಮಾಡಿರುವ ವಿಚಾರ ಬಯಲಾಗಿದೆ.
