ಬೆಂಗಳೂರು: ಎಪ್ರಿಲ್ ಫೂಲ್ ಆಚರಣೆ ಈ ಬಾರಿ ಊಟ ತಿಂಡಿ ಚಾಕ್ಲೆಟ್ ವಿಚಾರದಲ್ಲಿ ಸ್ವೀಟಾಗಿ ಫೂಲ್ ಮಾಡೋಕೆ ಇಲ್ಲೊಬ್ಬರು ಸಖತ್ ಐಡಿಯಾ ಮಾಡಿದ್ದು, ಎಲ್ಲರ ಗಮನ ಸೆಳೆದಿದೆ.
ನಟ್ಟು ಬೋಲ್ಟ್, ಗಾಲ್ಫ್ ಸ್ಟೇಡಿಯಂನಲ್ಲಿ ರೆಡಿ ಆಗಿರೋ ಗಾಲ್ಫ್ ಸ್ಟಿಕ್, ಬಾಲ್. ಇನ್ನೇನು ಊಟ ಮುಗಿಸಿ ಬಂದವರಿಗೆ ಪಾನ್ ಬೀಡಾ. ಇವುಗಳು ಕಾಣಿಸೋ ರೀತಿಗೂ ತಿಂದಾಗ ಕೊಡೋ ಟೇಸ್ಟ್ ಗೂ ಸಂಬಂಧಾನೇ ಇಲ್ಲ. ಯಾಕಂದ್ರೆ ಇವೆಲ್ಲಾ ಸ್ವೀಟ್ ಸ್ವೀಟ್ ಚಾಕೊಲೇಟ್ಸ್.
ಎಪ್ರಿಲ್ನಲ್ಲಿ ಹೇಗಾದ್ರೂ ಫ್ರೆಂಡ್ಸ್ಗಳನ್ನ ಫೂಲ್ ಮಾಡ್ಬೇಕು ಎಂದುಕೊಂಡವರು ಒಂಚೂರು ಹರ್ಟ್ ಮಾಡದೇ ಪೂಲ್ ಮಾಡಿ ಸಂಭ್ರಮಿಸೋದಕ್ಕೆ ಅಂತಾನೇ ಕೋರಮಂಗಲದ ಓಬ್ರೀ ಬೋಟಿಕ್ ಚಾಕೊಲೇಟ್ಗಳನ್ನು ತಯಾರು ಮಾಡಿದೆ. ನಟ್ಟು ಬೋಲ್ಟು. ಗಾಲ್ಫ್ ಸ್ಟೇಡಿಯಂನಲ್ಲಿ ರೆಡಿ ಆಗಿರೋ ಗಾಲ್ಫ್ ಸ್ಟಿಕ್, ಬಾಲು. ಇನ್ನೇನು ಊಟ ಮುಗಿಸಿ ಬಂದವರಿಗೆ ರೆಡಿಯಾಗಿರೋ ಪಾನ್ ಬೀಡಾ ಎಲ್ಲವನ್ನೂ ಚಾಕೊಲೇಟ್ನಿಂದ ತಯಾರಿಸಲಾಗಿದೆ.
ಈ ಸ್ಪೆಷಲ್ ಚಾಕೊಲೆಟ್ಗಳ ರುವಾರಿ ಕಿಶೋರ್, ಎಪ್ರಿಲ್ ಫೂಲ್ಗೆ ಅಂತಾನೆ ಸ್ಪೆಷಲ್ಲಾಗಿ ಈ ಚಾಕೊಲೆಟ್ಸ್ ತಯಾರಿಸಿದ್ದಾರೆ. ಅಲ್ಲದೆ ಗಿಫ್ಟ್ ಕೊಡೋ ಮೂಲಕನೂ ಫೂಲ್ ಮಾಡೋ ಐಡಿಯಾ ಏನಾದ್ರು ಇದ್ರೆ ಎಪ್ರಿಲ್ 15 ರ ವರೆಗೂ ಚಾಕೊಲೆಟ್ಸ್ ಲಭ್ಯವಿವೆ ಎಂದಿದ್ದಾರೆ.
ಇನ್ನೊಂದೆಡೆ ಬಾಳೆ ಎಲೆಯ ಭರ್ಜರಿ ಊಟ ಎಲ್ಲರ ವಾಟ್ಸಾಪ್ಗಳಲ್ಲಿ ಹರಿದಾಡುತ್ತಿದೆ. ಅನ್ನ ಸಾಂಬಾರ್, ಹಪ್ಪಳ, ಗೋಡಂಬಿ ತುಂಬಿರೋ ಪಾಯಸ, ಹತ್ತಾರು ಬಗೆಯ ಪಲ್ಯ,ಸ್ವೀಟ್, ಎಲೆತುದಿಯಲ್ಲೊಂದು ಬಾಳೆ ಹಣ್ಣು. ಇಷ್ಟೆಲ್ಲಾ ನೋಡಿದ ಕೂಡ್ಲೆ ಬಾಯಲ್ಲಿ ನೀರು ಬಾರದೇ ಇರದು. ಆದ್ರೆ ಆ ವೀಡಿಯೋನ ಇನ್ನೂ ಸ್ವಲ್ಪ ಹೊತ್ತು ನೋಡಿದ್ರೆ ಗೊತ್ತಾಗುತ್ತೆ ಅದು ಕೇವಲ ಚಿತ್ರಗಳಲ್ಲಿ ಬಿಡಿಸಿರೋ ಪೇಪರ್ ಹಾಳೆ ಅಂತ.
ನೀವೂ ಕೂಡ ನಿಮ್ಮ ಫ್ರೆಂಡ್ಸ್ಅನ್ನು ಫೂಲ್ ಮಾಡಬೇಕೆಂದರೆ ಎಪ್ರಿಲ್ 15ರ ವರೆಗೆ ಈ ಡಿಫರೆಂಟ್ ಚಾಕೊಲೆಟ್ಸ್ ಲಭ್ಯವಿರುತ್ತವೆ.
